خالد احمد بادی:كارڤەدانێن بریارا دادگەها فەرەنسا و بادەكا پەترۆلێ‌

كارڤەدانێن بریارا دادگەها فەرەنسا و بادەكا پەترۆلێ‌
خالد احمد بادی
ئەگەر پچەكێ‌ پاشڤە بچین و لێنێرینەكا كوور ل دیرۆكا دەڤەرا ڕۆژهەلاتا ناڤەراست بكەین و ب تایبەت ل كوردستانێ‌ بكەین،دێ‌ بۆ مە دیار بت كو ب چ ئەگەرێن بەرچاڤ و دروست هەموو حوكمرانان مافێن مللەتێ‌ كورد چەوساندینە و بێ‌ جوداهی بن پێ‌ كرینە.
و ب تایبەت دەستهەلاتدارێن عێراقێ‌ بێ‌ گۆمان وانان پتری هەموویان زولم و ستەم ل مللەتێ‌ كورد كریە, زنجیرەیەكا درێژ و ئینسكلۆپیدیایەكا بەرفرەهـ ب بن پێ‌ كرنێن وان دێ‌ پر بن ژ وان نەهامەتیێن گەلێ‌ كورد ل سەر دەستێ‌ هەموو حكومەتێن عێراقێ‌ بری, ئەگەر ئەم پێڤە بچین و زنجیرا وان نەهامەتییان بێژین ئەو ژی زیندان كرن و گرتن و بێ‌ بەهر كرن و بەرزەكرن و نەدانا ناسنامەیێ‌ و گرتنا ئەردێ‌ كوردان و كۆمكووژی و بەربەلاڤكرنا نەخوێندەواریێ‌ ل ناڤ كوردان و ئەنفالكرن و ئاوارەبوون و برینا بودجێ‌ هەرێمێ‌ و برینا موچێن فەرمانبەر و وەلاتیێن سڤیل و ژێ‌ ستاندنا بادەكا پەترۆلا هەرێمێ‌.
و ل هەیڤا ئادارا ساڵا (2023) دەستەیا دادوەرییێ‌ كو بسەر ژۆرا بازرگانییا جیهانی یە ل پاریسا پایتەختێ‌ فەرەنسایە بریارەك د بەرژەوەندییا حكومەتا عێراقێ‌ دایە و نە د بەرژەوەندییا توركیا و هەرێما كوردستانێ‌ دایە ئەڤە ژی دەقێ‌ وێ‌ یە (نابت هەرێم بێی حكومەتا ناڤەندی ئانكو حكومەتا عێراقا فیدرال پەترۆلێ‌ رەوانەیی توركیا بكەت, ئانكو نابت سەربەخۆ هەرێم گازێ‌ ب بۆریێ‌ ڤرێكەتە توركیا و ب تایبەت بۆ بەندەرێ‌ جیهان یێ‌ توركی).
هەژی گۆتنێ‌ یە توركیا و عێراقێ‌ ل ساڵا (1973) ئەڤ ڕێككەفتنە گرێدابوو دگەل هەڤدوو كو گازا عێراقێ‌ ب ڕێكا بۆریا ژ كەركووكێ‌ بۆ بەندەرێ‌ جیهانا توركی بچت و تا نۆكە ژی هەر ئەڤ بۆرییە یا دروست بوو بۆ هنارتنا نەفتا كەركووكێ‌، لێ‌ پشتی هندەك راستڤەكرن و سەخبێرییان, بۆچی مە باسێ‌ وێ‌ زنجیرا زولم و ستەم و ماڤخوارنا مللەتێ‌ كورد ژلایێ‌ حكومەتێن عێراقێ‌ دژی كوردان كریە, ئەڤە وێ‌ چەندێ‌ دگەهینت كو تا نۆكە سیاسەتا توند یا عێراقێ‌ و تۆلڤەكرنەكا شاش و دلرەش یا بەرامبەر مللەتێ‌ كورد دكەت و تا نۆكە و ڤی سەردەمی ژی كو رادەستكرنا بادەكا نەفتێ‌ بۆ عێراقێ‌ وكۆمپانیا سۆمۆ و یا پێ‌ چێدبت عێراقێ‌ بەرامبەر مە كرییە و د بەردەوامن ژی.
پـەیاما مە بۆ هەموو گەلێ‌ مە ئەوە بلا ئەم خۆ نەخاپینن و بلا مە هاژ خۆ هەبت و بلا نەئێینە سەردابرن كو ب دراڤەكی كێم و ب ڕەزالەت وەرگرین ژ عێراقێ‌،كو بخۆ مافێ‌ مەیە ئانكو مافێ‌ كوردایە و بلا ئەم كارتێكرن ل دۆزا كوردستانێ‌ نەبت، ل ڤان ڕۆژان و ب تایبەت پشتی كو بریارا دادگەها فەرەنسا هاتیە دان پتریا میدیایێن جیهانی و ناڤخۆیی باس لێ‌ دكەن و تاكو گەهشتیە وی ڕادەیی كو وەكو مەگوهـ لێبوو هندەك لایەن و كۆمەل و هندەك دام و دەزگەهێن جودا جودا دەست بۆ بریارا پاریس قوتان.