ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بێوار حەمدی:دا ژخۆ دەست پێ‌ بكەین!

دا ژخۆ دەست پێ‌ بكەین!
بێوار حەمدی
هەركەسەكی ژمە دەما هاتیە ئافراندن د هەبوونێ‌ دا،بتنێ‌ هاتیە و دەما هاتیە هەبوونێ‌ ژی دا ژبۆ وێ‌ چەندێ‌ هاتیە كو بژیت ئەڤێ‌ چەندێ‌ مە چ گۆمان تێدانینە،لێ‌ بابەت ل ڤێدەرێ‌ ئەوە ئەرێ‌ ما دەمێ‌ ئەم ب ژیانێ‌ هاتینە ڕاسپاردن ئەم بەرپرس بووینە ب ژیانا خەلكێ‌ دەوروبەران؟ بێگۆمان بەرسڤ دێ‌ نەخێربت، بەلێ‌ ب تایبەت ئەگەر ئەم ژ جڤاكێ‌ خۆ دەست پێ‌ بكەین هەموو بەروڤاژی ڤێ‌ چەندێ‌ نە، و ب تایبەتی د ڤی سەردەمێ‌ نۆكەدا مە یا دەست ژ ژیانا خۆ بەردای و ئەم یێ‌ ب ژیانا كەسێن دی دا دژین، كەسەكی كو ژنووی فام دكەت یێ‌ دەستێوەردانێ‌ د ژیان و ب ڕێڤەبرنا خەلكێ‌ دی دا دكەت و یا خۆ ژبیركری كو بتنێ‌ ئەو ژ ژیانا خۆ یێ‌ بەرپرسە و بێگۆمان یاژبیركری كو دەمێ‌ دمرت دێ‌ بتنێ‌ بت.
ئەرێ‌ بۆچی ئەم ژخۆ دەست پێ‌ ناكەین؟ ئەرێ‌ ما ژیانا مە گرنگترنینە ژ یا دەوروبەران؟ ئەگەر ئەم هەموو ب دروستی مێشكێ‌ خۆ ب كاربینین ئەم هەموو دێ‌ زانین و بێگۆمان هەموو دزانن ژی لێ‌ كار ب هزرا خۆ و مێشكێ‌ خۆ ناكەن، گەلەك جاران ئەم یێ‌ كەسەكی تۆمەتبار دكەین ب تشتەكی،یان یێ‌ لۆمەكرنێ‌ ژ كەسەكی یان چەند كەسەكان دكەین ئەڤجا ئەڤ لۆمەكرنە هەر چ بت چ جل و بەرگ بن یان هاتنوچۆن بت یان داهاتێ‌ وی بت یان حەزا وی یان ڕێڤەبرنا ژیانا وی بت،بزانە كەس ژمە ژ هیچ تشتەكی ژڤان یێن دەوروبەران بەرپرس نینە، و ژبلی ڤێ‌ چەندێ‌ شاشیا مەیا هەڕە مەزن ئەوە كو گەلەك جاران ئەو تشتێ‌ كو ئەم كەسەكی پێ‌ ڕەخنە دكەین یا جڤینا د دەینێ‌ ئەو تشت یێ‌ ل نك مە بخۆ هەی و ئەم ژی یێ‌ هەمان تشت دكەین یێ‌ مە كەسەك پێ‌ ڕەخنەكری، ئانكو مە ژخۆ دەست پێ‌ َنەكریە، ل ڤێدەرێ‌ سێ‌ تشت دگرنگن بزانین داكو هاریكاریا مە بكەن ئەم بكارین جوانتر ژیانا خۆ دەرباز بكەین و بۆ هەر كارەكی ژخۆ دەست پێ‌ بكەین و ئەڤ هەرسێ‌ تشتەژی د تایبەتن دناڤخۆیا مرۆڤی دا و دڤێت مرۆڤ ل سەركار بكەت ئەوژی (دل،دەروون،گێول) ئەڤە سێ‌ بەشێن سەرەكی نە دناڤخۆیا هەرمرۆڤەكی دا.
هنجی دلە گەوهەرا مرۆڤی یە و پاشایەكێ‌ زڵهێزە دلەشێ‌ مرۆڤی دا و هەموو ئەندام ژی وەكی هش و دەروون، چاڤ وگوه و زمان و دەست و پێ‌ سەربازێن وی نە و ب فەرمانا وی كاركەن و ب هۆشداریا وی ژی ملكەچ دبن،ژبەرهندێ‌ دل ئەندامەكێ‌ زۆرێ‌ گرنگە كو ئەم ب دروستی ب پارێزین و چاڤدانێ‌ بكەین چنكو ئەوە فەرمانا تە دكەت دگەلەك تشتاندا و دبت دشاش ژی بن ئەڤجا دڤێت دهشیاربین،دیسان دەروون زێدەتر ژ هەموو تشتا یێ‌ خرابە و بەرێ‌ مرۆڤی ددەتە هەموو كار و كریارێن شاش ئەو یێ‌ ستەمكارە و كێم كەس مە دكارن زاڵگەهیێ‌ ل سەر بكەن، ژبەرهندێ‌ هەر كەسێ‌ خۆ ژستەمكاریا دەروونێ‌ خۆ ب پارێزت هەردەم دێ‌ یێ‌ سەركەفتی تربت.
هەروەسا گێول ژی ئەوژی حەز و ڤیانا دەروونی یە بۆ ئەنجامدانا هەر كریارەكێ‌ و زانا ژی ب ڤی شێوەی یا پێناسەكری، بێگۆمان دەرون و گێولی پەیوەندیەكا نێزیك دگەل ئێك یا هەی، گێول وەسا ل دەروونی دكەت كو بەرێ‌ مە بدەتە رێیەكێ‌ ئەڤجا چ ب باشی بت یان خڕابی ئەو ل سەر هێز و ئیرادا مە دمینت، یا پێتڤیە ئەم هەموو ب دروستی خۆ دڤی بابەتی دا شارەزا ب كەین و بەردەوام بخونین و دووڤچوونێ‌ بكەین داكو نەكەڤینە دئاستەنگاندا، و ژخۆ دەست پێ‌ بكەین و خۆ ئاڤابكەین داكو هەردەم دسەركەفتی بین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi