په‌رله‌مانتاره‌كێ پارتى: زۆرينه‌يا نيشتيمانى بژارده‌يه‌كا پێدڤيه
گاڤ نيوز
په‌رله‌مانتاره‌كێ پارتى ديمۆكراتى كوردستان ئه‌ڤرۆ رۆژا پێنجشه‌مبيێ راگه‌هاند كو زۆرينه‌يا نيشتيمانى بژارده‌يه‌كا پێدڤيه.
شه‌ريف سلێمان په‌رله‌مانتارێ پارتى د په‌رله‌مانێ ئيراقێ دا د داخۆيانيه‌كێ دا بۆ تۆرا نووچه‌يان يا ئيراقى دياركر؛ پارتى نه‌بوويه ئاسته‌نگ د رێكا هه‌لبژارتنا سه‌رۆككۆمارى دا و پێدڤيه رێز ل ئيستيحقاقا هه‌لبژارتنان بهێته گرتن چونكى ئه‌و ته‌رازيا دروست يا رێككه‌فتنێن سياسى يه.
گۆت ژى: زۆرينه‌يا نيشتيمانى بژارده‌يه‌كا پێدڤيه چونكى ته‌وافوق نابيته ئه‌گه‌رێ پێگيريا هێزان ب بجهئينانا رێككه‌فتنان له‌وا پێدڤيه ره‌وش بهێته گوهۆڕين.
ل دۆر ده‌ستپێخه‌ريێن ئاليێن سياسى يێن ئيراقى ژى دياركر؛ تا نوكه چ ده‌ستپێشخه‌رى نه‌بووينه ئه‌گه‌رێ وێ چه‌ندێ كو هه‌مى ئاليێن سياسى بۆ چاره‌سه‌ركرنا قه‌يرانا سياسى په‌نايێ بۆ ببه‌ن.
پتر ژ حه‌فت هه‌يڤان ل سه‌ر هه‌لبژارتنێن به‌روه‌خت يێن په‌رله‌مانێ ئيراقێ ده‌رباز بووينه و هێزێن هه‌ڤپه‌يمانيا رزگاريا نيشتيمانى و هه‌ڤپه‌يمانێن وێ داخوازا پێكئينانا حكومه‌تا زۆرينه‌يى يا نيشتيمانى دكه‌ن، هه‌ڤده‌م چارچووڤه‌يێ هه‌ماهه‌نگيێ و هه‌ڤپه‌يمانێن وێ داخوازا پێكئينانا حكومه‌ته‌كا ته‌وافوقى دكه‌ن.
