كه‌يفخۆشترين وهلاتێن جيهانێ هاتنه راگه‌هاندن.. بزانه ئيراق ل رێزا چه‌ندێ یه؟
گاڤ نيوز
كه‌يفخۆشترين وهلاتێن جيهانێ ل سالا 2022 هاتنه راگه‌هاندن و ئيراق ل رێزا 107 د رێزبه‌نديێ دا هات.
ل گۆره‌ى راپۆرتا كۆڤارا گلۆبال فاينانس يا ئه‌مريكى؛ شه‌ش پيڤه‌ر ژ بۆ پيڤانا كه‌يفخۆشيێ ل وه‌لاتان د رێزبه‌نديێ دا ل به‌رچاڤ هاتينه وه‌رگرتن، ئه‌و ژى به‌هرا تاكى ژ به‌رهه‌مێ ناڤخۆيى، پشته‌ڤانيا حكومى د ده‌مێن پێدڤى دا، رێژه‌يێن گه‌نده‌ليێ د حكومه‌تێ دا، تێكرايێ ته‌مه‌نى يێ پێشبينيكرى، ئازاديا دانا بڕيارێن گرێداى ژيانێ و مه‌ردينى و هاريكاريا كه‌سێن دى.
تێدا هاتيه ژى؛ فنله‌ندا ل رێزا ئێكێ هات وه‌ك كه‌يفخۆشترين وه‌لات بۆ وه‌لاتيان ل جيهانێ، دانيمارك ل رێزا دوێ، ئايسله‌ند ل رێزا سيێ، سويسرا ل رێزا چارێ و هوله‌ندا ل رێزا پێنجێ هاتن.
ديار ژى كريه؛ ئه‌فغانستان ل رێزا دويماهيێ يا 146ێ هاتيه.
ل سه‌ر ئاستێ وهلاتێن عه‌ره‌بى، به‌حرێن ل رێزا ئێكێ، ئيمارات ل رێزا دوێ، سعووديه ل رێزا سيێ، كوێت ل رێزا چارێ هاتينه و ئيراق ژى ل رێزا 8 ل سه‌ر ئاستێ وهلاتێن عه‌ره‌بى و ل رێزا 107 ل سه‌ر ئاستێ جيهانێ بۆ كه‌يفخۆشيێ هاتيه.
