وه‌تسئه‌پ دێ گوهۆڕينه‌كا نوى د به‌رژه‌وه‌نديا بكارهينه‌ران دا زێده كه‌ت
گاڤ نيوز
وه‌تسئه‌پ دێ گوهۆڕينه‌كا نوى به‌رده‌ست كه‌ت كو ب رێكا وێ بكارهينه‌ر بشێن نامه‌يێن خۆ يێن كو د چه‌تى دا ڤرێكرين، بگوهۆڕن و راستڤه‌كه‌ن.
ماوه‌يه‌كێ درێژه بكارهينه‌رێن پلاتفۆرما وه‌تسئه‌پى كو مولكێ كۆمپانيا ميتا يا ئه‌مريكى يه داخوازا زێده‌كرنا ڤێ تايبه‌تمه‌نديێ دكه‌ن.
ل گۆره‌ى هنده‌ك وێنه‌يێن د مالپه‌رێ WABetaInfo دا به‌لاڤبووين؛ ئۆپشنا راستڤه‌كرنێ edit ل سه‌ر نامه‌يه‌كا چه‌تى د وه‌تسئه‌پى دا دياربوويه، لێ ئاشكرا نه‌بوويه كا ئه‌ڤ تايبه‌تمه‌نديه دێ يا هه‌روهه‌ر بيت يان ده‌مكى.
دهێته چاڤه‌رێكرن ل ده‌مه‌كێ نزيكى ئه‌ڤ تايبه‌تمه‌نديه د ئه‌پليكه‌يشنێ وه‌تسئه‌پى دا ل سه‌ر موبايلێن ئايفۆن و جۆرێن دى هه‌روه‌سا ل سه‌ر ئايپادان به‌رده‌ست ببيت.
ئه‌گه‌ر ئه‌ڤ ساخله‌ته بهێته زێده‌كرن، دێ بكارهينه‌رێن وه‌تسئه‌پى ژ بۆ راستڤه‌كرنا شاشيێن د نامه‌يێن ڤرێكرى دا مفاى ژێ وه‌رگرن.
