بنگەهێ لالش تايێ باعەدرێ خۆلەکا فێربوون و بهێزکرنا زمانێ ئنگلیزیێ ڤەکر
تۆرا لالش:
ژبۆی پشتەڤانیا پرۆسێسا پەروەردێ و فێرکرنێ ل باعەدرێ و دەڤەرێ و بهێزکرنا شیانێن قوتابیان، ل رێکەفتی (27 / 1 / 2023)ێ بنگەهێ لالش تایێ باعەدرێ ب هەڤکاری دگەل رێکخراوا IGFM یا ئەلمانی خۆلەکا فێرکاری و بهێزکرنا شیانێن قوتابیێن ئامادەیێ یا بابەتێ زمانێ انگلیزی ڤەکر.
ڕێ و رەسمێن خۆلا نافهاتی ب ئامادەبوونا بەرپرسێ بنگەهێ لالش تایێ باعەدرێ مامۆستا (خلات باعەدری) و نوێنەرێن رێکخراوا نافهاتی هاتە ڤەکرن.
هەژی گوتنێ یە ئەڤ خۆلە بۆ دەمێ چەندین رۆژا دێ بەردەوام بت و ژلایێ مامۆستا (نالين فهمي حسن) وەکو پسپۆرا بابەتی وانەیێن خۆلێ دێ هێنە گۆتن وەک پشتەڤانی و بهێزکرنا شیانێن قوتابیان و پڕۆسێسا پەروەردێ ل باعەدرێ و دەڤەرێ.
