شوبات 02, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

 ڕێوره‌سمێن ئیمزاکرن و به‌لاڤكرنا پەرتۆکا (دەردێ دلا) هاتنه‌ گێڕان 

 ڕێوره‌سمێن ئیمزاکرن و به‌لاڤكرنا پەرتۆکا (دەردێ دلا) هاتنه‌ گێڕان 
تۆرا لالش:

د هێڤاریەکا جوان و بالکێش و هێمن دا، ل دجیهانا هەلبەست و ئەندیشەێن ئاتەشی دا ، و ب ئامادەبوونا هەر یەک ژ سەرۆکێ دەستەیا بلندا بنگەهێ لالش بەڕێز (سەعید جردۆ) و شاندێ دگەل دا، و رێڤەبەرێن دام و دەزگەهان ل باعەدرێ و دەڤەرێ و ئەنجومەنێ مالا میران و سەنتەرێ رەوشەنبیری یێ شێخان و بنگەهێ لالش شێخان و مێڤان وکەسایەتیێن میری و ئۆلی و رەوشنبیری و مامۆستا و ئافرەتان و لاوان و قوتابیان و هەڤال و هۆگر و کەس و کارێن هۆزانڤانی و تەخ پێکهاتێن جودا جودا ژ باعەدرێ و دەڤەرێ.ئیرۆ رۆژا سێ شەمبوویێ رێکەفتی (27 / 12 /2022) بنگەهێ لالش تایێ باعەدرێ رابوو ب ڕێ و رەسمێن شرۆڤە و ئیمزاکرنا پەرتۆکا (دەردێ دلا) یا هۆزانڤان (دەرمان خەمۆ باعەدری) ل هۆلا باعەدرێ یا بیرەوەریا.
پشتی دەقیقەک راوەستیان ل سەر گیانێ شەهیدێن بزاڤا ڕزگاری خوازا کوردی سەر کاروانێ وان بارزانیێ نەمر، ڕێ و رەسمێن نافهاتی ژلایێ بەرپرسێ بنگەهێ لالش تایێ باعەدرێ ب بخێرهاتنا ئامادەبوویان دەستپێکر.
پاشی بەڕێز (خلات باعەدری) بەرپرسێ بنگەهێ لالش تایێ باعەدرێ کورتیەک ل دۆر ژیانا هۆزانڤانی بۆ ئامادەبوویان ئینا زمان و ئەو قۆناغێن ژیانا خۆ تێرا دەربازکرین دانە رۆنکرن.
لدووڤدا کوڕێ هۆزانڤانی بەڕێز (سەکمان دەرمان) بەحسا پەرتۆکا نافهاتی کر و رۆناهی ئێخستە سەر ناڤەرۆک و ئەگەرێن پالداین کو پەرتۆکێ بەرهڤبکەن، زێدەباری چەند پرسێن گرێدایی ب ڤێ کەیسێ ڤە تەڤلی گۆتنێن زۆکرن.
د تەورەکێ دیتر دا بەڕێز( شێخ زێدو باعەدری) راوێژکارێ پەرلەمانێ کوردستانێ وەک هڤال و کەسەک نێزیکی هۆزانڤانی چەندین رۆنکرن و خالێن بالکێش ل دۆر ڤێ مژارێ بەحسکرن و ڕێ و رەسمێن نافهاتی پتر زەنگین و ب ڕەوشکرن.
ل داویێ پەرتۆک هاتە ئیمزاکرن و ژبال کوڕێ هۆزانڤانی ڤە ب سەر تەڤایا ئامادەبوویان دا هاتنە پارڤەکرن.
هەژی گۆتنێ یە ئەڤ ڕێ و رەسمە ب سۆپاسی ڤە ژلایێ هەریەک ژ سەما تیڤی و کوردستان تیڤی هاتە رۆمالکرن و ب ڤی ئاوایی بەربەرەک دیتر ژ کار و بزاڤێن بنگەهێ لالش هاتە قولپاندن دخزمەتا دەڤەرێ و بزاڤا رەوشەنبیری.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi