كورد و ئاوارەبوون
خالد ئەحمەد بادی 
پێناسا ئاوارەیێ كو بزاڤەكا ڤەگوهاستنا خەلكەكی یە ژ وەلاتەكی بۆ وەلاتەكێ دی ئانكو ل وەلاتەكی بژیت كو وەلاتێ وی وجیێ ژدایكبوونا وی نەبت یان ژبەر مەرەمێن سیاسی یان جڤاكی یان كۆمەلایەتی یان بێكاریێ یان پرسێن نەتەوی یان ژبەر زولم وستەما دكتاتۆرەكی نەچار ببت وەلات و جیێ باب و باپیرێن خۆ بجه بهێلت وبەرەف وەلاتێن غەریبیێ وبیانیان ڤە بچت وببتە ئاوارە،و زۆر رەنگ وناڤ وشێوە بخۆڤە گرتینە وپرسەكا زۆرا مەزن وبەرچاڤە ئەوژی پرسا ئاوارەیێ یە نە خاسمە مللەتێن كورد ب مەسیحی وكریستیان وئەرمەنی وئاشوری وئێزدی وشەبەك وسابئە ومەندائی وكاكەیی وكەركوكی وسلێمانی وهەڤلێری ودهۆكی وتەڤایا كوردان ل هەموو پارچێن كوردستنانێ دێ وەسا هزر كەی كو ئاوارەیی ئانكو مشەختی بتنێ بۆ كوردان ب هەموو رەنگ وشێوێن خو ڤە هاتیە دەست نیشان كرن،وژئالیێ مەزهەبی وئایینی ڤە ژی ب تایبەت پرسا شیعی وسنی هاتیە بەحس وپێش چاڤكرن ول زۆر ژێدەران یێن جیهانی وهەرێمی وناڤخۆیی ولدوڤ ئامارێن كۆمەل ورێكخراوێن نێڤ دەولەتی وبیانی و ب تایبەت رێكخراوێن بناڤ ودەنگ مینا رێكخراوا نێڤ دەولەتی یا ئاوارەیێ كو بتر ژ (20) بیست ملیۆن كەسێن مشەخت ل جیهانێ هەنە كو ل تەڤایا وەلاتێن جیهانی دبەر بەلاڤ وبەرچاڤن ول ڤان سەر دەمان ئەڤ رێژا بلند یا ئاواران ل جیهانێ بلنتر ومشەتر لێ هاتیە و ل تەڤایا وەلاتێن جیهانێ بەر بەلاڤ بووینە،بێگومان زۆر یا گرنگە هەموو مللەت وحكومەت وكەسایەتی و وەلات وكۆمەلگەه و رێكخراو ودەزگەه ورێكخرا و وپارت ولایەنێن سیاسی وئیسلامی ومەسیحی وئێزدی هەموو پێكڤە رابنە سەر پێن خۆ وب یەك دەنگ ویەك هەلویست ویەك بریار بێژن بژیت سەربەستی بژیت ئازادی وبمریت بن دەستی وكولەتی وبمریت شەر بمریت نەڤیان بژیت مرۆڤایەتی ولهەڤ بۆرین ولاپەرێن نوو وسپی ڤە كەن وبەرەف جیهانەكا بێ ئاوارەیی وبێ كوشتن وبێ رەڤین وبێ گرتن وبێژین بەلێ بۆ مرۆڤایەتی وئاشتیێ وسەربەستیێ وبەرەف جیهانەكا ڤالا ژ ئاوارەیێ،ل هەموو وەلاتێن دونیایێ پرسگرێكا ئاوارەیێ هەیە وبوویە بارگرانیەك وئاریشەكا سەرتاسەری جیهانێ،ل عێراقێ و ب تایبەت ل كوردستانێ ئاوارەیی ودەربەدەری زۆر یاهاتیە ئەنجام دان ،چنكو رژێمێن ل عێراقێ دەست هەلات وەرگرتی بووینە دكتاتۆر وب هەموو رێیێن دژی مرۆڤایەتیێ مللەتێن خۆ تەپەسەركرینە وزولم وستەمكاری دژی مللەتێ خۆ بكار ئینایە ومللەت وخەلكێ بێ گونەه وسڤیل كرینە قوربانی ونەچاربووینە ل سالا (1988)ێ ژبەر هەوێن ئەنفال و زولما سەدامێ دكتاتۆرێ گۆربەگۆر ئاوارەیی وەلاتێن ئەورۆپی و ئیران وتوركیا ببن ول سێ كەمپا بنەجه ببن ل كەمپا موشێ ودیاربەكر ومێردینێ.
تُتاح هذه الصورة أيضا في: کوردی
