بەربژێر و دانا سۆز و پەیمانێن مەزن
دلۆڤان ئەمجه‌د بارزانی
بەربژێرێن هێژا سۆز و پەیمانێن مەزن نەدەنە خەلكی كو جێبەجێكرنا وان دشیانێت وە دا نەبت،هەموو لایەنا دڤێت ناما خۆ یا تایبەت هەبت،هەروەسا هەر بەربژێرەك نوونەراتیا پارتا خۆ دكت و زۆر ئاسایی یە بەربژێر بێژن ئەم دێ بەرنامێ پارتا خۆ جێبەجێ كەین،بەس یا ل هەموویێ گرنگتر ئەوە كو ل پەرلەمانی دا ئێكگرتی و ئێك هەلویست بن،راستە دڤێت پارتا وان و بەرنامێ پارتا وان ل نك یا گرنگ بت و لدوڤ بچن بەلێ دڤێت ب رەنگەكی گشتی كار بۆ هەرێما كوردستانێ بكن.
زۆر یا خرابە بەربژێر بەرژەوەندیێن گشتی بكەتە قوربانی بەرژەوەندیێن تایبەتی یا پارتا خۆ بەروڤاژی ڤێ چەندێ دڤێت بەرژەوەندیێن تایبەتی بكەنە قوربانی بەرژەوەندیێن گشتی،بەلێ ل وی دەمی دا ئەگەر بزانن ئەو بەرژەوەندیا گشتی بۆ تەڤایا مللەتێ كورد یا باشە،چنكو هەموو بەربژێر دێ ب نوونەراتیا خەلكی ب تایبەتی وان كەسێن دەنگێ خۆ دایێ دێ چنە دناڤ هۆلا پەرلەمانی دا،لەوما پێتڤیە ئێك دەنگ بن هەولا بجهئینانا وان هەموو پەیمان و سۆزێن دایە خەلكی بەری دەنگدانێ بدەن وببنە جیێ رازەمەندیا خەلكی دبەرژەوەندیا خەلكی دا كار بكن،ل ڤیدەرێ دا دڤێت ئەم هەموو خەلك بزانین كا شۆلێ ئەندام پەرلەمانی چیە دپەرلەمانی دا،كا بەربژێری شارەزایی د چ بوار دا هەیە و تایبەتمەندیا وی چیە و دێ لدوڤ وی بواری شۆل كت یێ ئەو تێدا شارەزا،هەروەسا بەربژێر ژی نابت سۆزێن مەزن بدەتە خەلكی كو ئەم سۆر و سۆر دزانین كو ئەو نكارت وێ سۆزێ جێبەجێ بكت،لەوما بەربژێر بلا بارێ خۆ گران نەكت بلا وان سۆزا بدەت كۆ دشیانێن وی دا هەبن و بكارت ل هەمبەر سۆزا خۆ دەربكەڤت دا ئەو شەرم و زار نەبت و خەلك ژی بێ هیڤی نەبن و پۆشمان نەبن كو دەنگێ خۆ یێ دای.
من ل چاڤ پێكەفتنەكا تیڤی یێ دا دیت یا خۆلا چۆیا هەلبژارتنا نوونەراتیا پەرلەمانێ عێراقێ دا كو بەحس ل دەستوور و مووچەیا دهاتەكرن،من دڤێت ڤێ چاڤپێكەفتنێ ب نموونە وەربگرم هەرچەندە یا بەربژێرێن نوونەراتیا پەرلەمانێ عێراقێ بوو وان ئەڤ چەندە دگۆت بەس من دڤێت دووبارە بكەمەڤە دا بەربژێرێن پەرلەمانێ هەڕێما كوردستانێ ڤێ خەلەتیێ دووبارە نەكن:_ نابت بەربژێر بێژتە خەلكی دەنگێ خۆ بدەنە من و بەحسێ دەستووری بكت و بێژت دێ ڤێ خالا دەستووری جێبەجێ كەم،نەخێر چ بەربژێرەك یان لایەنەكی سیاسی نكارت خالەكا دەستووری بتنێ جێبەجێ بكت،ئەگەر هەموو لایەنێن سیاسی یێن هەموو پارتێن كوردی پێكڤە كار لسەر نەكن و نەبنە ئێك،هەروەسا یا چارەسەركرنا مووچەیان كو بێژن دێ مووچێ فلان جی یان باژێری چارەسەركەین،نەخێر ئەو ژی بتنێ نائێتە كرن چنكو پەرلەمان دێ ب زۆریا دەنگان بریارا پەسەند كت،لایەنەك یان پارتەك یان بەربژێرەك بتنێ نكارت وان تشتا بكت،ل وی دەمی دا دێ گەلەك ئەندامێن پارتێن دی یێن ئەرەبی نەرازی بن ل پێناڤ چارەسەركرنا ئاریشێن هەرێما كوردستانێ و دانا مافێ خەلكێ هەرێمێ،ل وی دەمی دا دێ ب زۆریا دەنگان بریار ئێتە پەسەندكرن،ژبەر هندێ ئەم بۆ پەرلەمانێ عێراقێ و نهۆ ژی بۆ پەرلەمانێ هەرێما كوردستانێ هەر تەكەزێ دكەینە سەر ئێكگرتنێ چنكو ئێكگرتن سەرێ هەموویێ یە، بێ ئێكگرتنا هەموو پارتان چ تشتەك بدەست مەڤە نائێت،چۆنا وان دێ یا بێ مفا بت و دێ وەكی رووبۆتا بن دناڤ پەرلەمانی دا لێ ئێن ،ل دەمێ بریارەك دئێتە پەسەندكرن بەس دێ دەستێن خۆ بلندكن ئەو ژی دوی دەمی دا ئەگەر وان خیرەتكر نەچۆبنە د هزرێن كووردا.
تُتاح هذه الصورة أيضا في: کوردی
