حەز ژ وەلاتێ خۆ بكە
خالد ئەحمەد بادی 
هەموو ئایین وپەرتۆكێن ئاسمانی مرۆڤان و مرۆڤایەتیێ هان ددەن كو حەز وەلاتێ خۆ بكن وبەرگریێ ژێ بكن و بپارێزن،پرسەكا غەریزی وئیلاهی وخودایی یە كوحەژێكرنا وەلاتی بچتە ددلێ مرۆڤان دا،هەروەسا ژیان چ تشتا ب پەروە نادەتە مرۆڤی بەلێ دێ گەلەكێ ژتەستینت تا كو تشتەكی ب تنێ بدەتە تە،هەر كەسەك دكارت رۆژانە خزمەتا وەلاتێ خۆ بكت چ ب راكرنا گلێشی یان ژی ب چاندنا دارەكێ یان ب پاراستنا سنوورێن وەلاتی یان ب ئەنجام دانا پیشەیەكێ مینا ڤەكرنا دكانەكێ یان دارتراشخانەكێ یان ب دەرمانكرنا خەلكەكی یان ب دانانا رەزەكی یان ب هەر داهێنانەكێ بت وهتد.
چ گۆمان تێدا نینە كو ب هەزاران ژخەلكێ مە كارێن باش وپیشەیێن بهادار دكن وخزمەتا وەلاتێ خۆ دكن وژێرخانا ئابووری یا وەلاتێ خۆ پێشدئێخن وبهێز دكن،لێ ئەگەر مەترسیەك پەیدابوو یان هێرشەك هاتە سەر ژلایێ دوژمنی ڤە هەموو ب هەڤرا كار بكن ژبۆ پاراستنا وەلاتی،ل وەلاتێن بیانی زۆر شەر وقەیران پەیدابوون وراستە زۆر ژوان وەلاتان خوسارەت وشكەستن ل وان جەنگان لێ بۆ خۆكرنە سەربۆر ومفا ژوان نەهامەت وشەران دیت ول شوونا چەكی پێنوس وزانست بۆ خۆكرنە رێنیشاندەر وپەیرەو ونهۆ گەهشتینە بلندترین پلێن پێشكەفتنێ لسەر ئاستێ جیهانێ،هندەك نموونێن كچك ل وەلاتێن جیهانێ كو بتنێ خزمەتا وەلاتێ خۆ دكن وب هەموو شیانێن خۆ وەلاتێ خۆ دپارێزن،دگوڤارا (حدائق مژهلە) باسێ حەژێكرنا یابانیا بۆ وەلاتێ خۆ دیار دكت ودبێژت ل هەسارەیا یابانێ ل قوتابخانێن وانان رێڤەبەرێن قوتابخانا بەری قوتابیان زادی دخۆن داكو بزانن یێ پاقژ وب سلامەت بن و ئەو دبێژن قوتابی ئایینێ یابانێ نە فەرە ڤی ئاییندەیی بپارێزین،هەر دیسا ل قوتابخانێن یابانێ ل پۆلا ئێكێ تا شەشێ سەرەتایی بتنێ وانا (رێك بەرەڤ سنجی) نیشا زارۆكێن خۆ ددەن داكو فێری سنج ومامەلا بكن و وانان ئاڤا بكن وهەر دیسا ژ(1) سەرەتایی تا (3) ناڤنجی كەتن نینە بتنێ ژبۆ فێركرنا پەروەردا دروست ورێزگرتن وحەژێكرنا وەلاتی نیشا وانان ددەن،هەر دیسا ل قوتابخانان هەر رۆژ مامۆستا وقوتابی ب هەڤرا بۆ ماوێ چارێكەكا دەمژمێرێ قوتابخانا خۆ پاقژ دكن دا نفشەكێ ب رێز وگیانەكی سڤك ودلسۆز ئاڤا بكن،سەرەرایی كو گەلێ یابانێ ژ هەموو گەلێن جیهانێ زەنگینترن لێ ئەو بخۆ خزمەتا خۆ دكن وخزمەتكار وكارگۆزار نینن وهەر سەرۆك خێزانەك بەرپرسە ژ خێزانا خۆ.
زور فەرە كو ئەم بخۆ خزمەتا خۆ وخزمەتا وەلاتێ خۆ بكەین داكو وەلاتێ خۆ پێشبێخین وبەرەف پاشەرۆژەكا گەش ببەین وبلا ئەم وێ چەندێ دمێشكێ زارۆكێن خۆدا بچینین،كو ب تنێ حەز وەلات وخاك وئالایێ خۆ بكەین وداكو تشتێ بچینین وی بەرهەمی بدەستخۆڤە بینین یێ كو مفایێ مللەت و وەلاتی تێدا بت،بەروڤاژی ئەگەر مە ستری چاندن بێ گۆمان دێ بەرهەمێ مە ستری بن و چ مفا دستریان دا نینە لەوما دبێژم حەژ وەلاتێ خۆ بكن.
تُتاح هذه الصورة أيضا في: کوردی
