شنگال و تراژیدی
جوان عزەت 
وەكی هەر جار تراژیدی،كارەسات، وێرانكرن و كوشتن دناڤ گەلێ كورد دا ب داوی نائێن و بەردەوام دبن،ژ رووپەل و شانشینێن مێژوویا قركرن و تالاكرنێ،ل ڤێدەرێ ئەو تشتێ كو مە دناڤ كارەسات و جینۆسایدان دا دهێلت سەكناندن و بێ قەرەبووكرن چیە؟ یان ئەو گەلێن بەردەوام دبن قوربانیێن دەستكەفت و بنگەهێن داگیركەران، هینگی چ تشت دبتە هێمایێ بەرجەستەكرن و ئەجندەیا زەمینە سازیا ڤان بوویەران؟،دیارە مللەتێ كورد هەردەم دخوازت خۆ دناڤ پاشخانێن ئاڤاكەر دا ببینت،بەلێ چەنگێن وی زالی گەشێ ئاڤاكرنێ بوویە،لەورا دناڤ جەنگاوەریا توڤان، كابیس و كارەستان دا هێشتا هندا نەبوویە.
ئەگەر لسەر دیرۆك وەچەرخانا گەلێ ئێزدی ب رێنین، دێ دیار بت و ئێتە هژمارتن ئێك ژ مەزنترین گەوهەرێ تراژیدیێن ڤی مللەتی، كو ب سەدەهان بوویەرێن نەرێك و كۆمكوژی بسەرێ گەلێ ئێزدی هاتینە هەتا نهۆ ژی ئەو مللەتێن، كو ب ناڤێ مافێن مرۆڤایەتی و ئینسانی د ئاخڤن ل هەمبەری ڤان تراژیدیان بێدەنگ بێ هاریكاربووینە،ل ڤێدەرێ هەر سال ئەڤ بیرەوەریە دئێتە ساخكرن، كو ل رۆژا (3/8/2014)ێ ئەو نەخشەیێ ب رێیا رێكخراوا تیرۆرستیا داعش هاتیە دانان بۆ داگیركرنا شنگالێ،ب سەدەهان كچ و ژن و زارۆك و زەلام و پیر و مال هاتن ژناڤبرن و چارەنڤیسێ وان بوو فەرمانەكا تۆماركری د مێژوویا گەلێ ئێزدی دا،دیارە ڤێ چەندێ چەسپاند كو ئێدی ئێزدی ژی خودان هەلویست و بریارێن خۆ یێن سەرەكی نە و گەهشتن بڤێ رۆژێ ب واتایا بیرئینان و دەستڤەئینانا مافێن خۆیێن جینۆسایدكرن،هلدان و رزگاركرنا كچ و ژنانە ب راستی دەمێ مرۆڤ ل ڤان تراژیدیان درێنت،مرۆڤ نكارت ببتە پالپشت بۆ ئاڤاكرنا خەون و ئاشوپان، بەلكو ئەو رێیێن زەمینەیی خۆش دكن هەر ئەڤە بوونە،كو ئێدی مرۆڤ هەولدەت لژێر ڤێ ستەم و فەوەرویا كۆمكوژیێ گرنگیێ بدەت بریار و هزر و بەرەڤانیكرنا روحا ژیانێ،داكو ئێدی گەلێ ئێزدی راستەرێ هەبوون و ناسكرنا مرۆڤایەتی و مافێن خۆ یێن رەوا بێت،ئەنجام:پشتی رزگاركرنا پشكەكا خەلكێ شنگال و دەڤەرێن دەوروبەر ئەو كچ و ژنێن ل دەستێ ڤێ رەشنڤیسا تیرۆرستی هاتینە رزگاركرن،گەلۆ مرۆڤ بێژت هەلویست و چارەنڤیسێ وان ل داهاتوو و پاشەرۆژێ دێ چ بت؟،ئەرێ هەتا نهۆ تاكە رێیەك هەبوویە بۆ وەلاتیێن ئێزدی كو كاری بت بەرهەنگاریا دابینكرن و ڤەكۆلینێن ماددی و مانەوەی بگرت؟ یان هەتا نهۆ كێمتر ژ دوو هەزار كچ و ژنان ماینە ددەستێ ڤێ رێكخراوێ دا و ل سەرانسەری جیهانێ پەرت و بەلاڤە بووینە، ئەرێ پارتێن سیاسی، رێكخراوێن نێڤ دەوەلەتی و جیێن شۆلەژێ ل ناڤخۆ و دەرڤە هەبووینە، كو لدوڤ ڤێ كەیسێ بگەرن وان رزگاربكن؟.
ب هزرا من ئەگەر مرۆڤ ب شێوازەكێ هورتر ڤێ بوویەرێ بخوونت و هزر تێدا بكت،ئەز باوەرم كو ب هەزاران دكیۆمێنت و چەندین پەرتۆك و بەلگە لسەر ڤێ جینۆساید و تراژیدیێ هەبووینە، كو بەردەوام دخوازن وێ چەندێ مرۆڤ لدوڤ رێك و هەلویست دەرهەقێ ڤان جانگۆریێن ئاخا كوردستانێ ب ئاخڤت و بنڤیست خلاس نابت،ژبەركو ب چەندەهان سالە گەلێ ئێزدی بوویە ئەگەرێ ڤێ جەستەیێ دەوروونی و بنبركرنێ،ب مخابنی ڤە ژی هەتا نهۆ تاكە رێیا خۆ كربتە هاریكار و پشتەڤان حكومەتا هەرێما كوردستانێ و لایەنێن مافێ مرۆڤی ب تنێ بووینە،بەلكو ب سەدەهان كێشە و پرسێن نەچارەسەركری ماینە دناڤ ڤێ جیهانا ئاراستەكری دا دبێ چارەسەرن، لەورا گرنگە جیێن پەیوەندیدار و دەولەتێن ب مافێن مرۆڤایەتی دووبارە پێداچۆنەكا گرنگ دڤێ كەیسێ دا بكن، بوویەر و تراژیدیێن گەلێ ئێزدی ب جینۆساید ل قەلەم بدەن،هەروەسان قەرەبوویا وێ چەندێ جارەك دن سەرەراست بكن،داكو ئێدی ژبن ڤێ ئەلەمێنتا وژدان هەژین رزگاربت و هەست ب هەبوون و چارەنڤیسازان بكت.
تُتاح هذه الصورة أيضا في: کوردی
