كورتە چیرۆك
ژیانەكا پەریشان
مەروان گاباری
_ئەز و دەیك و بابێ خۆ و دوو برایێن خۆ و سێ خوشك لگەل ئێك دژیان مە كارێ چاندنێ و جۆتیاریێ دكر ل نێزیك چیایێ شنگالێ ژیانا مە گەلەك یا ب زەحمەت و پەریشان بوو ،برایێ من یێ بناڤێ كاروان قوتابی بوو و مە یێن دیتر ژ بەلەنگازی دەست ژ خووندنێ بەردابوو.
_نێزیكی(10) سالان بوو مە كارێ جۆتیاریێ یێ ب زەحمت دكر ئەم د ژیانەكا گەلەك یا نەخۆش و پەریشان دا دژیان لێ سەرەرای وان هەموو نەخۆشیێن ژیانێ ئەم گەلەك ب ژیانا خۆ درازی بووین،جارەكێ دەستپێكا چلێ زڤستانێ بوو بارانەكا زۆر هات ئەو مالا ئەم تێدا دژیان بسەر مەدا هەرفی و هەموو ئەردێ مە خراكر،برایێ من یێ مەزن دبن خانی ڤە ما پشتی چار رۆژان بارانێ ڤەكری ب مریتی ژ بن ئینانە دەر.
_ پشتی ئەو هەموو زەحمەت مە دیتی و برایێ من یێ مەزن د وێ روودانا بارانێ دا مری بابێ من بریار دا دەست ژ كارێ چاندنێ بەردەن و بەرەف جیەكی دیتر هەرن و ژ ڤێ ژیانا پەریشان باربكن،ب شەڤ گۆتە مە ئەم دێ چینە نك كەس و كارێن خۆ ل ناوچەداریا گرعزێر ل دەمێ بوویە سبەیك مە كارێ خۆ كر و ژ باكوورێ چیایێ شنگالێ مە بەرێ خۆ دا گرعزێر،نێزیكی دەمژمێر(9)ی سبێ بوو ئەم ب رێ ڤەبوون ئەم(9) كەس ل ئێك ژ ترومبێلێن بار هەلگردابووین ژبەر خرابیا رێیێن دەڤەرا شنگالێ جارەكێ ترومبێلا مە هاتە وەرگێران دەنگێ گریا دەیكا من كەفتە گوهێ من و ئەز بێ هش بووم.
_بوو هێڤار جارەكێ من چاڤێن خۆ ڤەكرن من دیت خوشكا من بسەر من دا دگری گۆتە من ئێك ب ئێكێ مە ژ بیر كر !!! من گۆت چ بوویە گۆت دەمێ دوهی ترومبێل هاتیە وەرگێران بابێ من د وێ روودانێ دا مر !!!!،من بۆ دەمەكی درێژ دەست ب گریێ كر جارەكێ من دیت برایێ من هات گۆت ئەم دێ هەرنە مال.
ئەم چۆینە گرعزێر ل باشوورێ چیایێ شنگالێ برایێ من كارێ گرتنا وێنەیان دكر و قوتابی بوو ل كولیژێ ئادابێ پشكا زمانێ ئینگلیزیێ ل قۆناغا سێیێ ل باژێرێ مووسلێ و چەندین سالا ژبەر نا ئارامیا مووسل وی زانكۆ هێلابوو و كارێ گرتنا وێنەیان دكر دا كو خێزانا خۆ ب رێڤە ببەت.
_ جارەكێ ب كەیف خۆشی ڤە خاتر ژ مە خواستن و گۆت داوەتەك هەیە دێ چم ژبۆ گرتنا وێنەیان ل رۆژا(14)ی تەباخا سالا(2007)ێ بوو،ئەو نێزیكی(5) خۆلەكا بوو ئەو چۆ بووو دەنگەكی گەلەك یێ ب هێز هات ژ ناڤا گوندی چ جاران دژیانا خۆدا من گوه ل دەنگەكی وەسا نەبوویە،ئەم بلەز دەركەفتینە ژ دەرڤە ئەو ئاسمان هەموو یێ تاری بوو دەنگێ گریێ دهات كەسی نزانی چ بوویە ئەز و هەردوو خوشكێن خۆ بلەز چۆین بەرەف وی جیێ برایێ مە لێ كار دكت مە دیت گەلەك خەلك بەرەف وان جیان یێ بازددەت مە نزانی چ قەومییە.
_ دەمێ ئەم گەهشتینە وی جی مە دیت خون ژبن برایێ مە دهەركێ هەر كەس یێ بێ دەنگە ب سەدان كەسێن كوشتی ل وان ئەردانە هندەك خەلك دهاتن زارۆكێن خۆ ناس نەدكرن ب تنێ دەنگێ گریێ بسەر هەر تشتی دهات و دەیكا مەژی ل بیرا مە نەمابوو ،پشتی دەمەكی ئەم ل وێدەرێ سەكنین و مە زانی برایێ مە مریە،دەمێ ئەم گەهشتینە مال مە دیت دەیكا مەژی ژ كوربا دا مریە ئەز نزانم كێ مرنا برایێ من گۆتبوو دەیكا من پرسیار ژ جینارێن مە كر من گۆتێ كێ ژ وە گۆتبوو كاروان عەزیزێ دلێ تە مریە هەموویان سووند خوار گۆت چ كەسا ژ مە نەگۆتیە.
_ پشتی مرنا بابێ من و برا و دەیكێن من د ئێك سالێ دا هەموو نەخۆشیێن ژیانێ ل من بوونە كۆم من نزانی ب كوژان دیواری را ب ئاخڤم هەموو ژیان لبەر من یا وندابووی بوو هەتا نهۆ ژی ئەز دناڤا خەم و ئازاران دا دژیم یێن من ل وان رۆژان دا دیتین.
تُتاح هذه الصورة أيضا في: کوردی
