شێوەكارەكا ئێزدی:دیمەنێن كۆمكوژیا شنگال دڤێت ببنە تابلۆ و پیشانی جیهانێ بێنە دان
تۆرا لالش یا راگەهاندنێ
كچا شێوەكارا ئێزدی(هەنا حەسەن) خەلكا شنگالێ یە نهۆ ل كەمپا خانكێ دژیت،د دیدارەكێ دا بۆ رۆژناما دەنگێ لالش ئاشكەراكر،هۆنەرێ شێوەكاری بخۆشی و نەخۆشیان ڤە گرێدایە و هۆنەری ب گشتی رۆلێ خۆ هەیە بۆ گەهاندنا ئازارێن ئێزدیان دكۆمكوژیا تووشبووینێ دا،كو دیمەنێن چێبووین دڤێت ببنە تابلۆ و پیشانی جیهانێ بێنە دان.
هەنایێ گۆت:دتەمەنێ(13)سالیێ دا دەست ب چێكرنا كارێ تابلۆیان كر وخەونا من بوو،خێزانا من پشتەڤان بوون كو بەردەوامیێ بدەمە كارێ خۆ و رۆژ بۆ رۆژێ چێكرنا تابلۆیان ل نك من ب ساناهیتر لێ دئێت،هەتا نهۆ پتر ژ(80)تابلۆیان هەیە و (20) ژێ لسەر نەخۆشیێن شنگالێ و ئێزدیان و خەلكێ هاتیە بێ سەروشوونكرن،هەروەسا هۆنەری ب گشتی رۆلێ خۆ هەیە بۆ گەهاندنا ئازارێن ئێزدیان دكۆمكوژیا تووشبووینێ دا،كو دیمەنێن چێبووین ببنە تابلۆ و پیشانی جیهانێ بێنە دان داكو خەلكەك بزانت چ بسەرێ ئێزدیان هاتیە.
شێوەكارێ گۆتژی پشتی كۆمكوژیا بسەرێ خەلكێ مە دا و ئەو مالوێرانی و ئاوارەبوونێ پتر پالدام تابلۆیێن خۆ لسەر ئێش و ئازارێن شنگالێ چێكەم،ئەگەر هاریكاریا من بێتە كرن دێ پێشانگەهەكێ ڤەكەم.
تُتاح هذه الصورة أيضا في: کوردی
