هۆنەرمەند جەلۆ:ژبەر نەبوونا هاریكاریێ نكارم سترانا كلیپ كەم
تۆرا لالش یا راگەهاندنێ 
هۆنەرمەندێ شنگالێ(جەلال قاسم حسێن) یێ بەرنیاس ب(جەلۆ) دكورتە دیدارەكێ دا بۆ رۆژناما دەنگێ لالش راگەهاند،سترانێن دبێژم بەهرا پتر یێن فلكلۆرێ شنگالێ نە و لسەر كارەسات و مال وێرانیا ئێزدیان و دەردەسەریا بسەرێ خەلكێ شنگالێ دا هاتی ژی هەنە،لێ ب مخابنی ڤە ژبەر نەبوونا هاریكاریێ هەتا نهۆ نكاریە كلیپ كەم.
جەلۆ دیاركر،دەستپێكا كارێ من یێ هۆنەرێ ل سالا(1976)بوو وی دەمی تەمەن (20) سال بووم و ئەگەرێن ب كارێ هۆنەری ڤە گرێدایم هەستەكێ هۆنەری ل جەم من هەبوو و ب تایبەتی ب هاریكاریا خێزانا خۆ ، لسەر دەستێ بابێ خۆ فێری ژەنینا تەمبوورێ بووم و حەزا هۆنەری ل جەم من پتر بوو،لێ پشتی من دایكا خۆ ژ دەست دایی ب رێیەكا نەخۆش و تژی خەم و كۆڤان كەفتمە ناڤ هۆنەری دا،بەلێ وان ئێش وئازاران نكارین من دوربێخن،هەروەسا پەیڤ و ستران داینە گەلەك هۆنەرمەندا وەك (سماعیل رەشۆ ، جندی حسێن،موحسن چێلكی)،سترانێن دبێژم بەهرا پتر یێن فلكلۆرێ شنگالێ نە بۆ نموونە وەكی سترانێن شێخ موس و فەقیر خدر و قبال و سەر چ سترانا فلكلۆری یا چیایێ شنگالێ بت دكارم بێژم و گۆت:((ستران لسەر كارەسات و مالوێرانیا ئێزدیان و دەردەسەریا بسەرێ خەلكێ شنگالێ هاتی هەنە و گەلەك دڤیا بكەمە كلیپ،لێ ب مخابنی ڤە هەتا نهۆ نكاریە كلیپ كەم،ژبەر نەبوونا هاریكاریێ)).
ل داویێ گۆت:سەرەرای ڤێ یەكێ و رەوشا من یا نەباش ژلایێ ساخلەمی ڤە،رۆژ بۆ رۆژێ هەول ددەم پتر خزمەتا خەلكێ خۆ بكەم وكارێ من یێ لبەر دەست ژی هەر یێ فلكلۆری یە.
تُتاح هذه الصورة أيضا في: کوردی
