سركێت و ئه‌مپێر
كۆڤان حسێن
جه‌نابێ قایمقامێ دهۆكێ شه‌كره‌ك شكاند و ل گۆر بۆچوونا من نهێنیه‌كا مه‌زن ئاشكرا كر ده‌مێ گۆتی (وه‌ك ئه‌وا بۆ من هاتی گۆتن خه‌لك مرتاحه) ب راستی جه‌نابێ قه‌یمقامی، ئاریشا وه‌لاتیان ل گه‌ل ته و خودانێن بریارێ, ئه‌وه (ئه‌ڤێن گۆتن و ره‌وش و ئاخفتنان) بۆ هه‌وه دگه‌هینن, زنجیرا سكرتێر و نڤیسنگه‌ه و كه‌سێن ل دۆرێن هه‌وه نه, ره‌وشێ نۆرمال و ( پیڤازی) بۆ هه‌وه ڤه‌دگێرن, قه‌ت باوه‌رناكه‌م ئه‌وێن ئه‌ركێ وان گه‌هاندنا راستیان بیت، راستیێ وه‌كو هه‌ی بۆ هه‌وه بگه‌هینیت, وه‌لاتی نه مرتاحه قوربان, ره‌وش ئالۆزه و یا (دغولغولیت) نه دووره ته‌قنیه‌كا جڤاكی رووبده‌ت, ل وه‌لاتێ مه قورغكاریێ كه‌رتێن ژیانێ پاروان كرینه و وه‌لاتی زێده‌تر نه‌شێن ئارام پشت راست بن, ژ من ڤه كه‌رتێ (مولیدا) گه‌نده‌لیه‌ك مه‌زن تێدایه و هه‌تا نوكه زه‌لال و شه‌فاف نینه, به‌لگه چه‌ند كه‌سه‌كا ئه‌ڤ كه‌رته پاوان كریه, بۆ قازانجا خوه, چ حیكمه د هندێ دا یه ده‌رفه‌ت و سه‌رئێك كێمكرنه‌كێ ناكه‌ن بۆ وه‌به‌رهێنانێ د ڤی كه‌رتی دا, ئه‌ڤ كه‌رته چه‌ند باجێ ده‌ت؟ ئه‌ڤ كه‌رته چه‌ند (سونه‌مه‌نیێ) دوه‌رگریت ب چه‌ندێ دكریت ؟! (سه‌قفێ فایده‌ی) چه‌نده؟! مافێ بكاربه‌ران ل كیڤه‌یه؟! زیانێن نه‌بوونا كاره‌بێ چه‌ندن؟! ئه‌ڤجا هینگێ دێ مرتاح بین وه‌كو ئه‌ڤ كه‌رته ژی بكه‌ڤیته ل بن كونترۆللا ده‌سته‌كا (ده‌ستپاكیێ) كیانی (منافسێ) په‌یدا كه‌ن و ڤێ قورغكاریێ ب دووماهیك بینن. ل ڤان رۆژام (كۆمپانیێن ته‌له‌فۆنان) كه‌فتن منافسێ و سه‌رئه‌نجام وه‌لاتی مفاداره, چ رێگریه‌ك هه‌یه ئه‌ڤ كه‌رته كه‌رتێ مولیدان نه‌كه‌ڤیته (منافسێ) كه‌س وه‌لاتیی ب هندێ رازی نه‌كه‌ت كو (كاره‌با كوردستانێ) دێ رۆژه‌كێ باش بیت ب كێمی بیست سالێن دی ژی كاره‌با كوردستانێ باش نابیت و ئه‌ڤ كه‌رتێ كاره‌بێ پێدڤی ب وه‌به‌رهێنانێ یه وه‌ك پرۆژێن بچووك و مام ناڤه‌ندی, ده‌باره‌ی گه‌هاندنا راستیێ بۆ هه‌وه, وه‌ك حوكمه‌ت, مخابنی هوون ب هه‌می ده‌زگه‌هێن هه‌وه یێن هه‌والگیری و ئیستخباراتی, نه‌شیان راستیا ره‌وشێ بزانن و بۆ هه‌وه وه‌سا هات كو مله‌ت مرتاحه؟! به‌لێ بۆ خاترا ره‌وشێ مله‌ت بێ ده‌نگه نه‌ك مرتاحه, بۆ خاترا ب هزاران كوڕێن ڤی مله‌تی ل به‌رۆكێن شه‌ڕی نه بێ ده‌نگن. نه‌ك مرتاحن؟! بۆ خاترا پاراستا شكۆمه‌ندیا ده‌ستهه‌لاتا كوردستانێ خه‌لك ئارامه نه‌ك مرتاحه ….و السلام
تُتاح هذه الصورة أيضا في: کوردی
