نادیا موراد نوونەرا هەموو ژنێت ستەم لێكری یە
جیهان عبۆ 
نادیا موراد ئەو قوربانیا جەرگ شەوتیا ،دەیك وبرایێن وێ ل بەر چاڤێ وێ كۆمەلكوژكرن ئەو تەنها مرۆڤەكە و ب ئێش و ئازارێن خوە گەهشتیە ڤی ئاستی ، نادیا كچا دەڤەرا شنگالێ یە و خەلكا گوندێ كۆچۆیە ژ دایك بوویا سالا 1993ێ یە،ل گۆری گۆتنا نادیا موراد ژیانەكا ئارام دگەل خێزانا خۆ ل سەر ئاخا وارێ باب و كالێن خۆ دبۆراند وخێزانا وێ ب كارێ جۆتیاریێ دژیان و قوتابی بوو و هیڤی و خەونێن جوان هەبوون بۆ پاشەرۆژا خۆ.
پشتی 3-8-2014 داعش دەست ب سەر شنگالێ دە گرت، گوندێ وان یێ پر بوو ژ جهێن خۆش بۆ ژیانەكا جوان وبیرهاتنێن خۆش، لێ تیرۆرستێن داعش ژیانا وان رەش وتاری كر،نادیا موراد ولەمیا بشار هەردووكچێن ئێزدی یێن رزگاربوویێ دەستێ داعش ل رۆژا سێ شەموویێ 13-12-2016 ل پەرلەمانێ ئەوروپا خەلاتێ ساخارۆف ب وان هاتیە بەخشین،نادیا موراد كچا چالاكڤانا كوردا ئێزدی یە ئێكە ژ رزگاربوویێن ژێر دەستێ داعش بەربژێر بوو بۆ خەلاتێ ئاشتی یێ جیهانی و ئەنجوومەنا ئاسایشا نێڤ دەولەتی پێشوازی لێكرن و ژلایێ زۆربەیا سەرۆكێن دەولەتێن جیهانێ ل رێورسمەكا تایبەت دا ل پەرلەمانێ ئەوروپا ل ستراسبۆرگ پێشوازی لێ هاتە كرن خەلاتێ ساخارۆف كو بهایێ وی 50 هەزار یۆرۆیە بەخشرا یە دوو كچێن ئێزدی یێن رزگاربوویێن دەستێ داعش ، هندەك ژ گۆتنێن نادیا موراد بالێۆزا نیاز پاكیێ ل نەتەوەیێن ئێكگرتی خەلاتێ خۆ ددەنە هەر كەسەكێ پێتڤی ب هاریكاریێ هەبت ،ئەز سوپاسیا هەر كەسەكێ دكەم كو ئامادەیا روحا خۆ ببەخشت ل شەرێ دژی داعش ،چنكو هیچ دلۆڤانی ل دلێ واندا نینە ،من خۆ ب خۆشحال دزانم كو ئیرۆ ئەز لێ هێرە و دگەل وە دامە ژبۆ وەرگرتنا ئەڤی خەلاتی ئەو ژ بۆ من شەرەفەكا مەزنە ،هوون ژی پشتەڤانێن ژنانن ل عێراق و سووریێ ،نادیا گۆتژی داعش دڤیا شەرەف و نامووسا مە ببەت و مە بێ حوورمەت بكەت لێ نكاری،چنكو وان شەرەفا خۆ ژ دەست دا ،وان ئەم ناچاركرن بۆ وێ یەكێ ،یان دڤێت بمرین یان دبینە موسلمان،ئەو هەموو كەسا دكوژن و شێوێن پیرۆزێن ئاینی ژ ناڤبرن ،ئەو دژی هەموو كەسەكی نە ل گەل وان دا نەبت.
بالێۆزا نیازپاكیێ ل نەتەوەیێن ئێكگرتی ب دلەكێ پر خەمگینی گۆت:من ژ دەیك و باب و جڤاكێ خۆ یێ ئێزدی فێربوویمە كو لێبۆرێن و رێزێ ل ئایین و پێكهاتێن دیتر بگرم ،لێ داعشێ ئەو قەبوول نەكر ،ئەوان ئەم كوشتن و دەربەدەر كرن ،داعش هەوو تشتێ من ژمن ستاند هەروەسا ئەو تشتێ كو مە ب پیرۆزی دزانی وەكو كەلتۆر و جه و هێش ئەز هەست ب ئازادیێ ناكەم،چنكو بتر ژ سێ هەزار ژن وكچێن ئێزدی دەستێ داعش دانە ، ئاماژە ب وێ چەندێ ژی دا بتنێ نوونەرا ژن و كچێن ئێزدی نابم ،نوونەرا هەموو ژنێت ستەم لێكری مە،پێتڤیە كۆمەلگەها نێڤ دەولەتی و ئەوروپا كاربكن بۆ كو دادپەروەری و ئازادی پەیدا بت ، نادیا موراد دبێژتە داعش ئە گە‌ر هوون كە‌رامە‌تا مە بشكینن ئەڤە ئەوروپا جیێ كەرامەتێ یە.
تُتاح هذه الصورة أيضا في: کوردی
