چەند پەیڤەك بۆ نادیـا موراد 
جاسم سەبری
كچا وەلاتێ فەرمـانــا
دچاڤێن تەدا چیرۆكێن مرنـێ هەنە
درۆندكێن تەدا ئاوازا دخوینن
سیمایێن ژانـەكا دژوار
سنورێن ترسـەكا بێبەخت
خوە لدۆر پرچـا تـە دئالینن
نـەترسـە و !
بپرســە ..؟
دیـاسایێن كیژ ئۆلی دا
درێنمایێن كیژان مللەتی دا
بریارە تو بهێــیە فرۆتن ..!؟
لبن ئالایێ كیژ وەلاتی
دكیژ ژێدەردا یـا هـاتی
بریارە تـو بهێیـە كوشتن ..!؟
نەترسە و !
بپرسـە ؟
كانێ مافێ مرۆڤا
بۆچی بێدەنگە
چارەكێ ل حالێ مە بكەن
قركرنـە ،
ل هەردەرێ كوشتنە ،مرنـە
هەفتـی و چار فەرمان دیدەڤانن
ماوێ هەتا كەنگی
جەگەر دئێزدیاتـیێ دا بهێنە سۆتن ..!؟
كچا وەلاتێ فەرمانا
تو سیمبولەكی
ئەز بهزاران چیرۆكێن
كەچ و ژنێن ددەستێ داعشێ دا
دچـاڤێن تەدا دبینم
بپرسە هەتا گوهـ كەڕببن
نەترسە هەتاوژدان هشیارببن
شەرەفا ژچاڤێن تە دبارت
دزانم ..!
ددلێ تەدا هزارگۆتن هەنە
هندە وژدان هەژینن
دێ ناخێ ئاخـێ پێ هێتە سۆتن !؟
ئەڤجا
نەترسە و !
بپرسە ؟
تُتاح هذه الصورة أيضا في: کوردی
