حوزه‌یران 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سفيان سلو شنكالى:ڤیستەڤالا لالش دێ هێزا فلکلۆرێ مە نیشان دە

ڤیستەڤالا لالش دێ هێزا فلکلۆرێ مە نیشان دە

سفيان سلو شنكالى

ئێک ژ رێکێن هەرێن باش بۆ هەر مللەتەکی بۆ نیشاندانا فلکلۆر و داب و نەریتێن خۆ ڤیستەڤالێن فلکلۆری نە لەوما ئەز دبینم کو ڤیستەڤالا لالش یا هۆنەری ئەوا کو بریارە ل شەشی هەیڤا هەفت بهێتە ئەنجام دان دەرفەتەکە زێرینە کو تێدا هێزا فلکلۆرێ ئێزدیان ل سەرانسەری جیهانێ بهێتە نیشان دان بۆ نفشێ داهاتی یێ ئێزدیان و خەلکێ ب گشتی ژی لەوما د ڤێ گۆتارێ دا ئەم دێ بەحسێ چەندین گرنگیێن ڤێ ڤیستەڤالێ کن.

د ڤێ ڤیستەڤالێ دا چەندین برگە و چالاکیێن جودا دێ هێنە نیشاندان کو هەموو ژی دەربرینێ ژ کەڤناتی و رەسەناتییا فلکلۆرێ ئێزدیا دکە چ ژلایێ نیشاندانا جلوبەرگێن کەڤنێن ئێزدیان يان ژی گو هداریا وان سترانێن کەڤنێن ئێزدیان ئەوێن بووینە شاهد لسەر چەندین فرمانێن کو بسەرێ ئێزدیان دا هاتین د درێژاهیا دیرۆکێ دا دگەل کۆمەکە چالاکیێن دن یێن جوانێن فلکلۆری کو ئەم نەشێن هەموویان رێز بکەن لێ ددیتنا مندە یا ژ هەموویێ گرنگتر نیشاندانا بەشەک ژ فلکلۆرێ ئێزدیێن باکوور و رۆژئاڤایێ کوردستانێ و دگەل یێ ئەرمینیا ژی و ئەڤە دێ بتە دەرفەتەکا باش بۆ تاکێ ئێزدی کو هاش چەند و فلکلۆرێ ئێزدیان هەبت ل هەر جهەکی دنیایێ چونکی ناسناما رەسەناتیا وان دیار دکە و ئەڤ چەندە ژی د سترانان دا رۆن و زەلالە

ل دوماهیێ ژی داخوازێ ژ هەموو هۆنەرمەند و رەوشەنبیر و کەسانێن ئێزدیێن گرێدایێ فلکلۆر دکەم کو ل رۆژا ڤیستەڤالێ ل هۆلا کۆنفرانسا حازر ببن و خوەشیێ ژ سترانێن کۆچک و دیوانا ببینن ئەوێن کو هەتا رۆژا ئیرۆ د خۆشی و شەهیانێن مەدە پەیڤ و ئاوازێن وان دهێنە بهیستن و بەرێ خوە بدنە وێنێن وان سترانبێژێن وەغەر کری ئەوێن ب دەنگ و ئاوازێن خۆ ستران لسەر مەغدووريا ئێزدیان گۆتین و کەتو و دەنگێن وان بۆ مە وەکو دەستکەفتەک مایین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi