حوزه‌یران 16, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌هدی حه‌سه‌ن موراد:ئێکەم گورزێ بەعسیا ل کوردستانێ دایێ باسکێ شێخا تەعریب کرن

ئێکەم گورزێ بەعسیا ل کوردستانێ دایێ باسکێ شێخا تەعریب کرن
مه‌هدی حه‌سه‌ن موراد
کەرب و کینا بەعسیا ل سەر ئێزدیاتیێ و ئێزدیان ڤەدگەرێت بۆ وێ ھاریکاری و پشتەڤانیا ئێزدیان بۆ شۆرەشا ئەیلولا مەزن ئەڤا ب سەرۆکاتیا بابێ روحی و نەتەوەیی بارزانی یێ نەمر ھاتیەکرن دگەل هەبونا هەستەکی نەتەوەی و روحەکا نیشتیمانی و کوردستانی هەر گاڤ ل دەڤ ڤی خەلکێ کورد پەروەرێ باسکێ شێخ هەبیە ، دەڤەرا باسکێ شێخا ئەڤا نھا دبێژنێ کۆمەلگەھا مەھەتێ ژ (١٤) گوندا پێکھاتیە ( گوندێ مەھەتێ- گوندێ دولاھژیرێ – گوندێ مامرەشان-گوندێ جەروانا – گوندێ موسکان -گوندێ مەحمۆدان – گوندێ گرخالس – گوندێ موقبلێ- گوندێ موقبلا کچک – گوندێ مەحمەرەشان- گوندێ بێت نارێ – گوندێ باقەسرێ – گوندێ کەندالی- گوندێ ئێسفنا سەری ) ئەڤێ دەڤەرێ روبەرەکی عەردی یێ گشتوکالی یێ بەرفراھ ھەیە و دەشتەکا ب خێر وبێرە و ھەمی د خزمەتا شۆرەشێ دا کربوون ل دەمێ شۆرەشێ دگەل ھندێ رێکخستنەکا ب ھێز یا پارتایەتیێ ھەبوو و رێژەکا زور ژ خەلکێ دەڤەرێ گەھشتبوونا ناڤ رێزێن شۆرەشێ و ببون پێشمەرگەھ و قوربانی ل پێ ناڤێ دۆزا گەلێ خۆ داینە و دەربەدەربینە و زولم ژی ل ڤێ دەڤەرێ هاتیە کرن ل سەر دەستێ رژێمێن گۆربەگور ، ژبەر ڤی رۆلێ خەلکێ ل ڤێ دەڤەرێ د بزاڤا ئازادیخوازا کوردستانێ و بتایبەت ل شۆرەشا ئەیلولا مەزن ئێزدیان رولەکی سەرەکی ھەبوون ب ھاریکاری و پشتەڤانیا پێشمەرگەھی و دەرگەھێ خانیێن خۆ بۆ پێشمەرگەھی ڤەدکرن و ئەرزاق و سوتەمەنی د گەهاندن پێشمەرگەهی و مالێن خۆ د خزمەتا شۆرەشێ داکرن و خۆ ب خودانێن کوردستانێ و کوردێن رەسەن دانە زانین ، ئەڤ جەندە ژی بۆ وێ ھندێ ڤەدگەرێت ئێزدیان باوەریەکا مەزن ب رێبازا پارتی و بارزانی ئینان بو وێ رێزگرتنا شۆرەشێ و بارزانی ل ئێزدیان و ھەر کێم ئاین و نەتەوەکا ل کوردستانێ ھەین دگرت ئەڤ باوەری بو ئێزدیان درۆست بۆ جارەکا دی تێکلی شۆرەشێ بن و خۆ ل ئاخ و وەلات بکەن خودان پشتی ڤەقەتیانەکا درێژ دناڤ بەرا ئێزدیان و چڤاکێ دۆرماندۆر دروست بی ژ ئەنجامێن ئەو فەرمانێن ھاتین سەرێ ئێزدیان بۆ جارا ئێکێ ل شۆرەشا ئەیلولا مەزن ئێزدیان جارەکا دی باوەری دان خۆ و ئازاد و سەربەست بژین وەک ھاولاتیێن پلە ئێک ل کوردستانێ ، لەوا میرێ ئێزدیان و بابا شێخ و چەندین مەزن و کەسایەتیێن جڤاکێ ئێزدیان ب ھەمی تەخ و چین خۆ ڤە گەھشتن شۆرەشا ئەیلولا مەزن و داخاز ژ مللەتی کرن چەکێ شەرەفێ ھلگرن دژی ستەم و زۆرداریا بەعسیا و داگیرکەرا ڕاوستێن و بەرەڤانیێ ژ کوردستانێ ب کەن ، ژبەر ڤی ھەلویستێ ئێزدیان پشتی نەکسا سالا ١٩٧٥ و شۆرەشا کوردی شکەستی ژ ئەنجامێن ئەو خیانەتا ھاتیەکرن کو ئیراقێ نیڤ ئاڤا روبارێ ئەرەبی (شط العرب)دا ئیرانێ بەرامبەر شکەستنا شۆرەشا کوردی و دەستبەرداری وێ رێکەفتنا ھاتیە مۆرکرن لسالا ١٩٧٠ دناڤ بەرا سەرکردایەتیا شۆرەشا ئەیلولا مەزن و دەستھەلاداریا بەعسیا ، جارەکا دی ناوچەیێن مە ھاتن داگیرکرن و گەلێ کورد ب گشتی ھاتە دەربەدەرکرن و گوڕزێ ھەرە مەزن ب ئێزدیان کەت و ئێکەمین پێنگاڤا بەعسیا ھاڤێتی تەعریب کرنا گوندێن ئێزدیان کرن و عەرەب ئینانە سەر گوند و ملک ئەملاکێن ئێزدیان و ئەڤ ناوچا زەنگین ب خێر و خێرات و دەخل و دانەکی زۆر ل ڤێ دەڤەرێ ھەیی رادەستی عەرەبا کرن و ئێزدی ئینانە خالا سفرێ و بن دەست کرن ل ڤێ کۆمەلگەھا زۆرە مللی یا مەھەتێ ئاکنجی کرن ، لێ تشتێ من دڤیا بێژم ل ڤان سالێن بن دەستیێ ریھسپی و مەزن و ماقولێن ئێزدیان داخاز ژ بەرپرسێن بەعسیا و تایبەت شەخسێ (عزت دوری )کرن جارەکێ سەرەدانا دەڤەرا مەھەتێ کربوو بەرسڤا وان ئەو بو دگۆتن مافێ ھەوە ئێزیان یێ د بەریکا مەلا مستەفا (بارزانی) دا ژبەر کو دوژمنا باش دزانین ئێزدی چەند دلسۆزێن رێبازا بارزانی بوون ، پشتی ئازادیا ئیراقێ ھەر کەس ل کوردستانێ ب مافێ خۆ شادبوون تەنھا ئێزدی و ناوچەیێن ئێزدیان مان ھەلاویستی ب ماددەکی دەستوری ڤە و نەھاتن چارەسەرکرن ھەتا ئەڤ فەرمانا شۆم یا شنگارێ و ھاتنا داعش ب سەرێ ئێزدیان ھات و ئێزدی ژ کوک دا ھاتن ھلقاندن و ژ ناڤبرن و یێ کەفتیا دەستێ داعش و یێ دەربەدەر بوو و یێ کۆچبەری ئەورپا و دنیایێ بوون و ل ڤێ ئازادیێ و خۆشیێ ئێزدی بتر ژ ٧٠٪‏ ل ناڤا چادر و کاڤل و کەمپا دا د ژین و بێ خودان ماینە ھەر کەسەک د ھێت بو بەرژەوەندیا خۆ دربا خو ل ئێزدیان دەت و یێ دەرباس دبن ،
لێ پشتی ئازادیا ئیراقێ تا رادەیەکی ئێزدی د ئازاد و سەربەست د ژیان ل کوردستانێ و جارەکا دی ئەڤ عەرد و ملکێن ئێزدیان ڤەگەریان بتایبەت پشتی ئازادیا ئیراقێ عەردێن خۆ د کێلان و رۆلێ خۆ دناڤ دامو دەزگەھێن حکومی و حزبی دیتنن و خۆ ب پشتەڤانێن پارتی بارزانی دانە زانین و ب دەنگێن ئێزدیان دەستورێ ئیراقێ سەرکەفت و ل ھەمی ھەلبژارتنا ئێزدیان رێژەکا زۆر ب دەستخۆڤە ئینان دگەل پارتی ،ئەڤ چەندە ژی بۆ بارگرانیەک بۆ ئێزدیان کو عەرەب جارەکا دی گورزەکی دی ل ئێزدیان ب دەن و ھەمی ھەولێن خۆ دان ناوچەیێن ئێزدیان نەچنە سەر ھەرێما کوردستانێ و ھەتا نھا مان ڤەقەتیان دیسا ئێک ژ ئەگەرێن ڤێ فەرمانا دوماھیکێ و ھاتنا داعش ژی بۆ ناوچەیێن ئێزدیان و ئەڤ دربا ل ئێزدیان دایی ژبەر ھەلویستێ ئێزدیان بۆ یێ دگەل کوردستانێ لەوا نھا ئێزدی دخازن پارتی و بارزانی چاڤێ خۆ ب دەن ئێزدیان ژبەر کو سەرانێن بەعسیا د گۆتن مافێ ئێزدیان یێت بەریکا بارزانی دا نھا مە سێ بارزانی ھەینە کاک مەسعود بارزانی و نێجیرڤان بارزانی و مەسرور بارزانی ئەڤ جار د ھاوارا ئێزدیان دا بھێن گەلەک باشە ژبەر کو ئێزدی خۆ ب مەغدور د بینن شنگال وەزعەکی خرابە دەڤەرا شێخان ژی وەکی پێتڤی رێز ل ئێزدیان نەھاتیە گرتن باسکێ شێخا ژی گازندێن خۆ ھەینە ژبەر کو ھەتا نھا خانیێن مە نەھاتنە تاپوکرن و مەلاکێن عەرەب یێ داخازا عەردێن مە دکەن ، هەر بوزانین عەردێ گوندێ مەهەتا کەڤن ٤،٠٠٠ چار هەزار دونمن هەمی پێکڤە یێت کرینە بەلەدی شارەوانی نها ئەم عەردێ خو د کێلین بەس ئیجار د کەین ژ بەلەدیێ و د مەحرومین ژ هاریکارین گشتوکالی وەک کیمیا و دەرمانێ سنکی و توڤێ چاندنێ و تەسلیم کرنا گەنمێ خو بو سایلویێ ژبەر مە گریبەستێن گشتوکالی نینن ئەڤە ژی ژبەر کو ل وەختێ سەدامێ نەرەحمی ئەڤ عەردێ گوندێ مە هەمی ب بریارەکا مجلس قیادە الثورە ژ زراعی کریە بەلەدی و هەتا نها مایە و کەس د هاوارا وان نە هاتیە ، هەر وەسا ئەڤ دەڤەرا خو ب خودان هەلویست و خودان خزمەت و قوربانی دزانن و زورداری لێ هاتیە کرن ب مافێ خۆ یێ سیاسی و ئیداری لەشکەری شاد نەبینە وەکو پیتڤی کو رێزەک تایبەت لێ بهێتە گرتن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi