گرنگیا پشکداریا ئێزدیان د هەلبژارتنان دا
جه‌عفه‌ر سمۆ 
وەسا هزر دکەم ئێزدی پتر ژ هەر پێکهاتەکا دن دقۆناغا خۆ بەرهەڤکرنێ دانە، بۆ پشکداریکرنێ د هەلبژارتنێن 10 ئۆکتۆبەرێ دا ژبۆ ئەنجومەنێ نوێنەرێن عیراقێ ،چونکی رەوشا ئێزدیان ب تایبەت ل شنگالێ رەوشەکا پەریشانە و پرانیا خەلکێ وێ ژی ئەڤە حەفت سالان د بن گەرماتیا هاڤینێ و سەرمایا زڤستانێ دا ل ناڤا کەمپان،لەوا ئێزدی ل هەر رێکەکێ دگەرێن بۆ هندێ ژ ڤێ رەوشێ قورتال ببن و دەڤەرێن وان ئارام بن و ئەو هێزێن نەشەرعی دوربکەڤن و ڤەگەرنە سەر جهو وارێن خۆ،راستە پرسێ ژ زارۆکێن شنگال تا پیر و کالێن وان بکەی دێ سۆپاسیا کوردستانێ ب گشتی و دهۆکێ ب تایبەتی کەن ژبۆ وێ خەمخۆری و هاریکاری و دڵسۆزیا ل گەل وان کرین، لێ هەر چاوابت ژیانا ئاوارەیێ ژیانەک ئالۆز و پەریشانە، لەوان ئێزدیان ب جۆش و خرۆشەکا مەزنڤە خۆ بەرهەڤکرینە بۆ هندێ پشکداریەک کارا بکەن و نامەیەکا وەفاداریێ پێشکێشی سەرۆک بارزانی و سەرکردایەتیا پارتی بکەن،و دەنگێ خۆ ب وێ پارتێ بدەن ئەوا دهەموو قوناغان دا تایبەتمەندیا ئێزدیان پاراستین،ئیرۆ ئێزدی گەهشتینە وێ باوەریێ کو بتنێ سەرۆک بارزانی یە بکارت ئێزدیان ژ ڤێ رەوشا پەریشان قورتال بکەت، چونکی دیرۆک شاهدە ل سەر دەمێ شۆرەشێن کوردی وب تایبەت ب سایا سیاسەتا حەکیمانەیا بارزانی ، ئێزدیان هەست ب هەبونا خۆ کریە چ ل رۆژانێن شۆرەشێ چ ل ئازادیا کوردستانێ.ژبەر هندێ ئەم دبینن پرانیا دەنگێن ئێزدیان چ ل سەر ئاستێ پارێزگەها مووسل چ ل سەر ئاستێ پارێزگەها دهۆک دێ بۆ بەربژارێن پارتی بن ، چونکی ئێزدی ئەمانەتێ پارتی و عەدالەتا بارزانی نە.
تُتاح هذه الصورة أيضا في: کوردی
