تاكەكەس و بنگەهێ جڤاكی
جوان عزەت
تاكەكەس بوونەوەركێ جڤاكی یە، ئەو هەبوونا خۆ دكۆمەلگەها خۆ دا دبینت، هەروەسا تاكەكەس جڤاكی چێدكت و جڤاك ژی تاكەكەسی دروست دكت، بەلێ لگۆر هزرا فەلسەفی نێرین و هەلویستێن جودا جودا هەبوونە، كو تاكەكەس لسەر هاتیە پێناسەكرن،هەروەك هایدگەر دبێژت: “تاكەكەس بوونەوەرەكێ هەبوونی یە مینا ئەز هزردكەم، كەواتە ئەز هەمە” سپینۆتزا ژی دبێژت:”تاكەكەس بوونەوەركێ سروشتی یە “،واتە مرۆڤ ب سروشتی بتر هزردكت و زێدەتر هزرێن جودا هەبوونە، بەلێ لگۆر هزرامن، تاكەكەس بوونەوەرەكێ ئازادە و پەیوەندی ب هەبوونا ژیان و جڤاكی ڤە هەیە، كو هزربكت دێ چاوان بتە تاكەكێ سەربەخۆ و وەك هاوەلاتیەك ژیت!،تاك درویێ جڤاكی دا ژی زنجیرەیەكە، كو دكارت پەیوەندیان دگەل دەوروبەرێن خۆ دروست بكت،بەلێ ب رێیا وێ چەندێ دەوروبەرێن وی هەبوونا وی قەبوول بكن،چنكو ئەو شەنگستێ گهۆرین و وەرارا جڤاكی یە، لەورا هەتا ببت تاكەكەسەك ئازاد، گرنگە خۆ دگەل ژینگەها خۆ بگونجیت،ژلایەكی دی ڤە، هەردەمێ كاری ئازادیا خۆ دامەزرنیت، هینگێ ئەو دێ كارت ئازادیا جڤاكی ژی دامەزرینت، چنكو تاكی و جڤاكی چ جوداهی و جیاوازی نینن، بەلێ جیاوازیا وان ئەوە كو بكارن هەڤدوو تەمام بكن ب هزرەكا دی ، تاكەكەس دبتە هەلگرێ بەرفرەهكرنا هەموو سنوورێن ئازادیا خۆ بەرامبەر هزر و رەهەندێن جڤاكی، سیاسی، كۆمەلایەتی و …هتد،ئانكو مرۆڤ دكارت بێژت، ئەو نیشانەكە بۆ دامەزراندنا مەعریفێ، بنگەهێ ئاڤاكرنا هەرتشتی یە و دكارت بنچینەیێ رێك و پێداویستێن ژیانێ ب سایا ئەقلێ خۆ دابین بكت،لگۆر هزرا زانین ناسا، ئەوا ژ تاكەكەسی پەیدا دبت دبتە ژێدەرێ خولقاندنا زانستێن هزری، بەلێ دناڤ چارچۆڤێ سروشت و تەڤاهیا جڤاكی ب خۆ دا ئەڤ چەندە نائێتە پەسەندكرن،چنكو جڤاك هۆسان هزردكت ئەو دەمێ تاك ژ دایكبووی لسەر هندەك بنەما و قیەما یێ هاتیە دونیایێ و پێتڤیە لگۆر وان ئەتیكان بژیت و نەئێتە گهۆرین،لەورا ل وی جیێ كو ئەو تێدا دژیت هەبوونا وی ب شێوەیەك زەحمەت قەبوول دبت و دكەفتە ناڤبەرا هزرا نەگۆر و گۆراو دا،بەلێ ئەگەر مرۆڤ هزربكت، ئەوا ژ مورالێ پەیدا دبت ئەتیكەكە تاك بەرپادكت، مرۆڤ نكارت بێژت هەموو دەما جڤاك، لسەر دامەزراندنا ڤێ چەندێ یێ ئێكلایە، بەلێ تشتێ كو بێت قەبوولكرن ئەوە، هەردەمێ تاكی هەولدا ئازادیا خۆ یا بیرو رایان/ هزر وبیران ئازاد بكت، هینگێ ئەو دناڤ جڤاكی دا دبتە تاكەكەسەك فەرد و جڤاك ژی لسەر وی پیڤەری دێ هەژمێرت ئێك ژ كەسێن هەبوونگەرایی،دبت دناڤ هندەك ژ جڤاكێن پاشكەفتی دا، تاكەكەس نكاری بت فەردبوونا خۆ كۆنترۆل بكت،چنكو هندەك بیروباوەر لسەر تاكبوونا وی زالن، رەنگە ئەڤە ژی ئەگەرەكە كو ژ هزر و ژینگەها وی پەیدابوویە، بەلێ یا كو لسەر وی فەر، ئەڤ چەندەیە ئەو پێداچۆنێن جدی د خۆ دا بكت و پرسیاران ب ئازرینت، هەتا بكارت دجڤاكی دا هەست ب ئەمانەت و بەرپرسیاریا خۆ بكت،ئەنجام:ب هزرامن، تاكەكەس و جڤاك هەردوو رستەیەكن ب ئێك دوو ڤە گرێداینە، ئانكو تاك هەبوونا خۆ ژ جڤاكی وەرگرت و جڤاك ژی هەبوونا خۆ ژ تاكی وەردگرت،بەلێ ل ڤێرێ مادەم تاك ژ هەبوونا وان پرەنسیپان ئەوێن مە بەحس لێ كرین بەرپرسیارە، دڤێت ئەو لدۆر ڤان سالوخەتان ڤەكۆلینان بكت،چنكو ئەو خودان ئەقلە دكارت سنوورێن هەبوونا خۆ دناڤ جڤاكی دا بچینت، هەتا ئەو گهۆرین ژی د ناڤ بارودۆخێ جڤاكی دا ئاراستە دبت،هینگێ دوور نینە، كو ئەو دێ بتە ئەگەرێ دامەزراندنا زەمینەكێ دناڤبەرا چارەنڤیسێ خۆ و بنگەهێ جڤاكی دا.
تُتاح هذه الصورة أيضا في: کوردی
