سوپاسدارین ئێكەتیا لاوان سالێ جارەكێ بیرامە دئینت ئەم لاوین!
ژینێ حەمید سالح
لاو ئانكو گەنج ئەو كەسە كو مێشك وهزر وهێزا وی تەمام دبت وتەمەنەكی گونجایە و ژ هەژی یە وەلات پشت پێ ببەستت،تەخا گەنج ولاوان شەنگستەیە بنیاتە ژبۆ پاشەرۆژا هەر وەلاتەكی لەورا زۆر گرنگی پێ دئێت دان ودئێت ئامادەكرن دا كۆمەلگەه و نفشەكی تازە لبەردەستێ وان رابن،لاوێ كورد ژی دناڤا داخابن دەستیێ ژدەیك دبن وبدرێژیا دیرۆكێ سەد جاران بارێ بەرپرسیارەتیا وی ژ یا خەلكەكی زۆرتر بوویە وی خۆ نەدایە لایەكی.
گەنجێ كورد بوویە ستوونەكا موكم لبەر دۆزا مللەتێ خۆ وبەردەوامی دایە رێباز وخەبات وتێكۆشینێ ژ پێخەمەت ئازادیا گەل وئاخێ ومرۆڤاتیێ،ل ڤێدەرێ یاسەیر ئەوە لاوێ كورد دێ كەنگی زانت كو لاوە؟؟ هەر ژ زارۆكاتی وسنێلەیی و لاوینیێ وهەتا دچتە بەر دلۆڤانیا خودێ بخۆ ناحەسیێن كا د چ قوناغ دایە،ژبەری سەرهەلدانا بوهارا(1991)ێ سێدارەدان،گولەباران،لەشكەریا نەچار،ئاوارەبوون،برسیاتی،ئەشكەنجە و گرتن ونەدامەزراندن كو ئەگەر ژی كوردبوونا وی و گەف وكوشتن هەموو لسەر بوو و یا وی بۆ و پشتی ڤێ هەموویێ و پشتی(27)سالا ژئازادبوونا كوردستانێ ژستەمكاریێ ژی هێژ بخۆ نەحەسیاینە وئارام نەژیاینە،ئەم حەیفا وەلاتەكی رادكەین وبەداخەوە كو هەتا نهۆ چ گهۆرینێن مەزن چێنەبووینە بەلكو ژیانا وان ژبەریا نهۆ سەختتر لێ هاتیە ژ بێكاری وخووندنەكا دۆمدرێژا بێ دامەزراندن ولبن چیایەكی قەیرانا وهەژاری وبێی هندەك بكارن هەڤژینیێ ژی پێك بینن،بگونەهەكا مەزن دبینن كو گەنجێ تازە و خووندكار كو شیان هەنە وەلاتی برێڤەببەن وخودان بەهرەنە وهاتینە پشتگوه هاڤێتن وكارێ وان یێ رۆژانە بوویە یاری د مۆبایلێن وان دا وسۆشیال میدیا وكافیتیریا وكێشانا نەرگیلێ ولبەر لێڤێن جادا روونشتی ب بەریكەك ڤالا وهزر دوێ چەندێ دا دكن كو هندە كەسێن نە ب مفانە بۆ خێزان و وەلاتێ خۆ گونەه ژی بۆ ئێكەتیا لاوێن وەلاتێ خۆ دبینن.
دڤێت حكومەت و پەرلەمان ونوونەرێن لاوان بزانن كۆچكرنا گەنجان بۆ دەرڤەی وەلاتی یان خۆكوشتنا وان ژ ئەگەرێ نەخۆشیا خەمۆكی یان دەروونی وزالبوونا قەیرانا لسەر و د مێشكێ وی دا نە چارەیە بەلكو كارەساتە،لاو نەبتنێ ژبۆ شەڕان دئێن پەروەردەكرن وبەرهەمێ ماندیبوونا خۆ نەبینن ئەڤ لاوە پێتڤی ژیانەكا ئارامە مینا هەموو وەلاتان هەریەك دحەزا خۆ یا كاری دا و دتەمەنەكی گونجای دا كاربكت و دتەمەنەكی دیاركری دا بێتە خانەنشینكرن وببن شەنگستە بۆ وەلاتی بەری هوون پرسیارا وەلاتبوونێ بكن،لاو دكارت ببتە هەرتشت ئەگەر وە بڤێت و شیان یێن هەین ئەگەر هوون بۆ ببن پشتەڤان مینا نۆژدار،ئەندازیار،دادوەر،راوێژكار،مامۆستا،هۆسا وەلاتێن نموونە ئاڤا دبن نەك ب بلندكرنا ئاڤاهیا وقیركرنا جادا،هێز وشیانێن لاوان ببینن بەرچاڤ وگرنگیێ پێ بدەن وبكارێن گرنگڤە مژوول بكن دەلیڤێن كاری بۆ پەیدابكن گرنگیێ ب خووندن و پلاوی بگرن هەول بدەن كاركەرێ لاو یێ پاقژكرنێ و یێ ئاڤاكرنێ و نۆژدار و ئەندازیاران یەكسان بكن رێزێ ل كارێ وان بگرن بێ جوداهی ولژێر یاسایەكا دادپەروەرانە سەرەدەریێ بكن نەك واستە ومرۆڤانیێ.
تُتاح هذه الصورة أيضا في: کوردی
