سەردەریێ پەرستگەها ئێزیدا بەری زایینی
فەهمی بابێ رۆژانێ 
هەر پەرستگەهەكێ ژبەرێ و ل سەردەمێ بابلیان سەردەری هەبوون ژبۆ خزمەت ورێورەسمێن ئایینی ونهۆ ژی ئێزدیان ئەو سەردەریە هەنە بخزمەتا پەرستگەها رادبن وهەر لبەرن ب تایبەت ل دەمێ هەلكەفتێن ئایینی ودوعا ودرۆزا دكن،هەروەسا قەوال ژی وان رێورەسمان دكن كو ب دەف وشەبابێ وئاوازێن ئایینی یێن جۆراو وجۆر ل تەوافان و ل دەمێ مریان گۆردكن هەر ئێك ژوان ب كارێ خۆ یێ تایبەت رادبە وهندەكا ل سەردەمێ بابلیان سەما یا ئایینی دكرن ونهۆ ژی ل نك ئێزدیان هەر ئەو سەما یێن ئایینی هەنە وەكی سەمایا ل لالشێ دئێتە كرن ودیلانا دەرێ كانیا سپی وخلمەتكار وكەسێن ئایینی نهێنیێن ئایینی دپارێزن وباب بۆ كوری دهێلە وهەتا نهۆ ژی هەروەسایە لێ مخابن ژ كێم پووتەیێ هندەكێ لاواز بوویە و ب تایبەت ل نك قەوالان وژبەر گوهنەدانا جڤاتا رۆحانی ببارێ ژیانا وان وكێمیا موچێن وان وگرانیا بارێ ژیانێ زارۆكێن وان نەچار دبن ریهێن خۆ بتراشن وكارەكی دی بۆ خۆ ببینن (1).
ل سەردەمێ بابلیان جۆرێن خلمەتكاران هەبوون هندەكا كارگێریا پەرستگەهێ بخۆ ڤە دگرت(پەرستگەها خوداوەندان) وەكی سەردەریێ لالشا نورانی یا نهۆ و هندەك ب هاریكاریا نەخۆشان رادبوون ژبۆ دەركرنا گیانێن شەرین ودگۆتنێ (ئاشپ –aship )و ب رێیا هندەك دوعا ودرۆزە وگۆتنان وگێرانا هندەك رێورەسمان وئاڤا پیرۆز ل روویێ وان درەشاندن كو دبوو نیشانا دەركرنا گیانێن شەرخواز و هندەكێن دی ل پەرستگەهێ دگۆتنێ (بارۆ-baru) وكارێ وان شرۆڤەكرنا ڤیانا خوداوەندان وپێشبینیكرنێ (وەكی كۆچەكێن ئێزدیان نهۆ دكەڤن وپێشبینیا دكن) وهندەك ب كارێ گێرانا رێورەسمێن گۆركرنا مریان رادبن ودانانا بەهیان وژوانێ بابلی (شیشكالۆ-kolo)بوو(2).(وەكی نهۆ ل نك ئێزدیان قەوال پێ رادبن).
سەردەری (پیر خوسا )لبەر دەرێ پەرستگەها (ئیزیدا ) ب كارێ گێرانا رێورەسمێن جەژنا سەرێ سالا بابلیان رادبوو ل سەردەمێ دەسهلاتا (بە ختنەسر ) وسەردەری یێ پێگیرە ب كرنا دوعایان ودرۆزان وگۆتنا قەولان وئاوازێن ئۆلی وپاراستنا نهێنیێن وان (3)،وئەڤ كارە هەر وەكی وان رێورەسمێن ل پەرستگەها پیرۆزا لالش دئێن گێران وەكی دوعایێن لبەر دەرگەهێن مەزارگەهێن خاسا وباب چاكان ل دەمێ تەوافكرنا ئێزدیان وگێرانا سەمایێ ودوعا ودرۆزا بۆ نەخۆشان ل پەرستگەها لالش ل دەمێ جەژن وجەمایان وسەرەدانێن ئاسایی بۆ پەرستگەهێ )،ودەستەكا كارگێری لپەرستگەها ئێزیدا ژ خلمەتكار (ئالشنامۆ ) و (ئەلقیبۆ) پێك تێ وەكو نوونەرێن پاشایی ل پەرستگەهێ (وەكی سەردەریێ پەرستگەها لالشا نورانی وسەردەریێن خاس وباب چاكێن مەزارگەهێن خۆ هەیین ل گەلیێ پیرۆزێ لالش لئ مخابن بكرێ تێنە دان وئەوێ پتر بدەت ددەنە وی لسەر ئێك زێدەكرنێ و ئەڤە وێ چەندێ دگەهینە كو ئێزدیاتی دگەهیژە سەردەمێ سۆمەریان وبابلیان بەلكی پاشمایێن وانن لەوما دئێتە دیتن وەك كەڤنترین ئۆل ل رۆژهلاتا ناڤین بەری هاتنا پەرتۆكێن ئاسمانی وپێخەمبەران ؟؟.
(1)گوڤارا رۆژ ژمارە -6-1998-ل 21-
(2)الحچارات السامیە القدیمە –موسكای ص78
)*) مفا ژ گۆتارا مامۆستا شەمۆ قاسم دنانی هاتیە وەرگرتن –گۆڤارا لالش –ژمارە -12-الدیانە البابلیە فی عهد بختنصر –ص46
تُتاح هذه الصورة أيضا في: کوردی
