ئێزدیاتی ل وەلاتێن بیانی نائێتە پاراستن
بیرهات قائیدی
ئەڤ بارودۆخێ هەستیار وئالۆز ونالەبار بسەر عێراقێ و ب تایبەت كوردستانێ دا هاتی وەل خەلكێ مە كر جۆرە بێ هیڤی بوونەك ل نك وان پەیدابت،بۆ نموونە هاتنا رێكخراوا تیرۆرستیا داعش ل ڤان سالێن بۆری وئەنجام دانا تاوانێن كوشتن وتالانكرنێ وقركرن ورەڤاندنێ وئێخسیركرنێ وب ساغی بن ئاخكرنێ وكۆمكوژیێ ژلایێ ڤێ رێكخراوێ ڤە،هەروەسا ئەنجام دانا تاوانێن جۆراوجۆر د دەرهەقێ ئایین ونەتەوە وكێمینەیان دا،وەل جڤاكێ مە كر بێزاربن ژ ژیانا خۆ ب تایبەت ل كوردستانێ و زێدەباری بارودۆخێ دارایی وئابووری یێ هەرێمێ.
دیسان ڤێ ریكخراوێ دربا هەرە مەزن ل مە ئێزدیان دا ومەزنترین رێژا قوربانیێن بەركەفتین هەر ئێزدی بووینە،ژبەركو ئەم كوردبووین هاتین قركرن وئێخسیركرن وبێ هیڤی كرن،لێ هەر كورد و بێشمەرگە بوون ئەم پاراستین وبەرەڤانی ژ مە كرین ژ وێ رۆژێ وەرە وهەتا ئیرۆ ژی تاكێ ئێزدی پرانیا وان بێ هیڤی بووینە ژ ژیانا خۆ ژ وارێ خۆ ژجیێ باب وكالێن خۆ وهەردەم هزرا چۆنا ژدەرڤە وەك چاڤلێكرن دسەرێ وان دایە لێ ئەز دبینم ئێزدی وئێزدیاتی ل وەلاتێن بیانیان نائێنە پاراستن وگرنكی پێدان وگەشەكرن وەك پێویست ئەڤە نەرێكە چارەیە،چنكو حەجا مە لالشە ولالش ژی كوردستانە وجیێ عەگید وخۆشمێرانە لەورا مۆركرنا مە ژی هەر لڤی واری یە هەتا دساغین ل وەلاتێن بیانیان بێن كوردستان جیێ باب وكالێن مە جیێ پیرۆزی وگێرانا رێورەسم وچالاكیێن ئایینێ مە سەفرا وەرزی هەر بۆ كوردستانێ یە ئەم دێ ل كوردستانێ ئێزدیاتیێ پارێزین ب نوونەراتیا تەڤ جیهانێ نەك ل ئەرمینیا وجۆرجیا وجیێن دیتر،چنكو لالش كوردستانە وحەق وارە وجیێ پیرۆزێن مەیە.
ئێزدی دڤێت باش هشیاربن ئێدی بلا بیروباوەر و رەوشت وتیتالێن مە نەحەلن ئەم هەڤپشكێن ڤێ ئاخێ نە خودان دیرۆكەكا دوور و درێژین خودان جانگۆری وخەباتێن ڤێ ئاخێ نە سۆزا مەژی هەر بۆ نووكرنا پاراستنا كوردستانێ یە،چنكو ئێكەم جار تاكێ ئێزدی دسەنگەری دا جانێ خۆ گۆری كری هەر بۆ پاراستنا كورد و كوردستانێ بوو هەر بۆ بلندكرن وزامنكرنا ئالایێ پیرۆزێ كوردستانێ بوو،مە دیرۆكەك دوور ودرێژ بڤی واری ڤە هەیە ئەم وێ لڤی جی بێن پاراستن وگەشەكرن نەك ل وەلاتێن بیانیان بۆ نموونە ئەلمانیا،جیێ شانازیێ یە بۆ مە ئەڤ شەرەف وناموسا خۆ ل كوردستانێ بپارێزن لەورا سۆز بت خزمەتێ بكەین بۆ پاراستنا ئێزدیاتیێ ل كوردستانێ.
تُتاح هذه الصورة أيضا في: کوردی
