كلیپا وی لدۆر ئەڤینیێ یە
تۆرا لالش یا راگەهاندنێ
هۆنەرمەند(سەعید ئۆسمان شنگالی)دەست ب چێكرنا سترانەكێ بناڤێ (ئەز عاشقێ چاڤێ تەمە) كریە و دێ ئێتە كلیپ كرن ژ پەیڤ و ئاوازێن وی یە،هەروەسا لبەرە چەندین سترانێن ئاهەنگا ب شێوێ فلكلۆری دروست بكت ژبۆ پاراستنا فلكلۆری.
سەعیدی بۆ رۆژناما دەنگێ لالش ئاشكەراكر،هەر ژ زارۆكینیا خۆ دا وی حەز ژ ستران گۆتنێ كریە و ل سالا (1994)ێ كەفتمە دمەیدانا هۆنەری دا و لگەل برایێ خۆ هۆنەرمەندێ شنگالێ یێ بناڤ و دەنگ دەخیل ئۆسمان چۆیمە ئاهەنگا و دگەل وی ستران گۆتینە و پشتی چەندین ئاستەنگان هێشتا لسەر كارێ خۆ بەردەوامم و گۆت:((نهۆ دەست ب چێكرنا سترانەكێ بناڤێ(ئەز عاشقێ چاڤێ تەمە) كریە و دقۆناغا كاری دایە و دێ ئێتە كلیپ كرن و ژ پەیڤ و ئاوازێن من بخۆیە،لبەرە چەندین سترانێن ئاهەنگا ب شێوێ فلكلۆری دروست بكەم كو ریتم و شێوازێن سترانێن هۆنەرمەندێ خودێ ژێ رازی عیدۆیێ كوتی بسەرڤە بچت،داكو فلكلۆر نەئێتە ژبیركرن و پووتە پێ بێتە دان)).
ئاشكەراكر ژی ئێكەمین سترانا ژ پەیڤێن خۆ دروستكری سترانا (هاوارە توو چا سپەهی) كو ل گەلەك ئاهەنگا ژلایێ برایێ وی ڤە هاتیە گۆتن و ئەو ستران ژ ئاوازێن داود ڕەشۆ بوویە،هەروەسا ئێكەمین ستران ل ستودیۆیێ تۆماركری بناڤێ(كەچێ توو من دخاپینی) یە،زێدەباری ژمارەیەكا هۆنەرمەندێن دەڤەرا شنگالێ سترانێن وی گۆتینە و وەرگرتینە.
ژلایەكی دی ڤە دیاركر،وەك پێتڤی پووتە دان ب هۆنەرێ شنگال نائێتەدان ب بەراورد دگەل قەبارێ فلكلۆرێ شنگالێ،یا پێتڤی بوو پتر گرنگی ب هۆنەر و هۆنەرمەندێن شنگالێ هاتبا دان،داكو بەردەوام گەشەكرن تێدا دروست ببا و ب جیهانێ هاتبا ناسین.
تُتاح هذه الصورة أيضا في: کوردی
