پێتڤیە حكومەتا هەرێمێ شنگالێ وەك مۆزەخانەك شوونواری نووژەن بكت
جوان بەرواری 
ئەگەر ئەم لسەر دیرۆكا شنگالێ ب سەكنین دێ بینی كو شنگال ئێك ژوان دەڤەرێن هەری بەرنیاسە و خوەدی جوگرافیەك ب هێزو شارستانییە ، هەر ژ ئیرۆ ئەو بەگراوەندو هەڤكێشا شنگال لسەر هاتیە ب جهە كرن ، بوویە خوەدیێ سینورەك و گشتوكالەك و ئاخەك ب بها ، لەورا ئەو كەد دەردێن ڤێ دەڤەرێ ب دیتنا هەڤكێشەكا برینداربووی دئێتە ناساندن و فامكرن ، شنگال نە بتنێ ب دیرۆكا خۆ هات ناساندن بەلكو ب “كەد ، دەردێن چاند، ئۆل و كەلەپورێ خۆ” ژی بۆ جڤاكەك ئەزمونگەری، و هەردەم ئەو یەك خواست ببە خوەدی هێزەك بێ هەمپا بكێری دۆزو شانشینا گەلێ خۆ وەرە هزر دوێ یەكێ داكریە، كو ب بتە پاشخانەك و میتۆدەك هەڤگرتی، بوو ستراتیجی بوونا دەڤەرا خۆ، بگرە هەم ژ ئالیێ مەزارگەهی ، تەرش و تەوالی و ژ ئالەك دی ڤە بەرهەڤیكرن ژ بۆ گێران و دانانا رێورەسمێن خۆ یێن جڤاكی، داب ونەریتی د بەرگ و چارچۆڤێن ئۆلاتیێ دە، ئەڤ كەلەپوورە دانە فامكرن و نەهێلان دووژمنێن سەردەست بووی وێ یەكێ ژناڤ ببەن ، ئەڤە ژی دخواستە وێ میتۆدێ یاكو هۆشمەندێ ئێزدی دیرۆكا خۆ دایە خواندن وناساندن.
د تەخمینكرنە كا دی دە ، ئەگەر لسەر بوویەرو پێشهاتێن كەد و دەردێن ئێزدیان ب فكرین دێ بینن كوتاكێ ئێزدی فێری هزرەك نویخوازی بوویە ئەو تراژییدی بوویەرێن ب سەرێ ڤی گەلی دە هاتین بووینە پاشخانێت خواندنا دیرۆكا ئیرۆ، چنكو ئەڤ جڤاك ب حەفتێ دوو فەرمانان هاتە وارگەه كرن بوونە وێنەێن برینداربووی د گەمارۆیا هزرو نێرینا تاك و ژن و زارۆك هەتا كۆمەلگەهێ ب گشتی،ل ڤێرە دكارم ب پرسم گەلۆ ما جارەكێ گەلێ كورد هزر دراڤە و داڤەكرنا ڤان فەرمان و تراژییدیان كریە كو ئێدی جڤاكا ئێزدی بوو یە بێنسترا جڤاكا خۆ گەلێن دەرڤە جیهانێ هەموویێ ! لەورا ئەز دبێژم ئێدی گەرەكە ئەم ل خۆ موكروەرین و جڤاكا ئێزدی بكەینە جڤاكەك سەرەراستكری، د بنگەهێ هەبوون پێكڤە ژیانێ دا، خالەك دی كو من دڤێت ئاماژێ ب دەمێ ئێدی جڤاكا ئێزدی دخوازە هزر د نویخوازی د هەبوونا خۆ دا نووژەن بكە ، چنكو ئەڤ یەك بۆ مە دیاردبە ب حەفتێ دوو فەرمانان هەردەم ڤی گەلی “قركرن ، برسی بوون ، كوشتن ، رەڤاندن ، تالانكرن ، دەردەسەری و بێ سەرو شینكرن ” دیتیە ، هەتا نهۆ ژی قەرەبووكرنا ڤێ یەكێ نە هاتیە دان، لەورا د بنگەهێ رۆژەك وەكو رۆژا 3/8 /2014 دا دەما كو شنگال كەفتیە ل ژێر داگیركرنا دەستێن رێكخراوا تیرۆرستیا داعشێ وی دەمی دیاربوو كو ژنێن شنگالێ رۆلێ خۆ دیتن و دەست ب شۆرەشەك نویخوازی كر، داكو ژبن زولم زۆردارایا سەردەست بووی رزگارببە وبكەڤە دناڤا پاشخانا دیرۆكا ئیرۆ ئا ژوێ رۆژێ وەرە گەلێ ئێزدی جیهان ئینا دەنگ و بوو خوەدی هێزو ئیرادەك مەزن وبلند ل هەمبەر دەولەتێن دوژمن و سەرەدەست.
سەرەرای ڤان هەموو پرسگرێك و ئیشانێ ئێدی خەلكێ ڤێ دەڤەرێ دخواست ڤەگەرت جی و وارێن خۆ لێ پشتی رزگاربوونێ دەما كو زڤرین وارێ خۆ، دیسان بوردۆمانا فروكێن توركیا دخواست شنگالێ وێران بكن ڤە ، ئەڤە ژی بوو ئێك ژ رێزێن فەرمانێت دی دخواندنا دیرۆكا ڤی جڤاكی دا ، لەورا ب دیتنا من پێتڤیە حكومەتا هەرێمێ شنگالێ وەك مۆزەخانەك شوونواری نووژەن بكت، دیسان ئەو جی وارێن هاتین كاڤلكرن و وێرانكرن جارەك دی بێنە ئاڤاكرن ڤە دگەل مەزارگەه و جیێن رێورەسمێن ئۆلی، و دناڤبەرا ئالیێ پێشكەفتنێ دا سەروەت سامانێ وان هەم ژ ئالیێ ماددی و مەعنەوی ڤە ب هەروەی نەچت ڤەگەرت چارچۆڤێ قەرەبوكرنێ، لێ یا ژ هەموویان گرنگتر ئەوە كو ئەو كچ و ژنێن ئێزدی ماینە د دەستێن تیرۆرێ دە ، بێنە رزگاركرن و ئەو هێلینا سێویێن بێ دەیك وباب ببنە تاكێن ئاڤاكەر بۆ مللەتێ ئێزدی و بنگەهەكێ جۆراو جۆر بۆ بێتە دامەزراندن داكو ئێدی نفرینا ل فەلەكێ و فەرمانێن خۆ نەكەن، چنكو جڤاك بێنسترا مللەتی یە ، مللەت ژی بێنسترا دەولەتێ یە.
تُتاح هذه الصورة أيضا في: کوردی
