جەژنا چلێ هاڤینێ 
مەھدی حەسەن موراد
ئێك ژ جەژنێن ل پەرستگەھا لالش دئێتە گێران، ھەر بۆ زانین سێ جەژن ل پەرستگەھا لالش دئێنە گیران :
١-جەژنا چلێ زڤستانێ
٢-جەژنا چلێ ھاڤینێ
٣- جەژنا جەمایێ.
جەژنا چلێ ھاڤینێ ئەڤ جەژن ئێك ژڤان جەژنایە ل رۆژا داویێ ژ چلەيی دبتە جەژن و دبێژنێ جەژنا چلێ ھاڤینێ ،ئختیارێ مەرگەھێ و جڤاتا وی و دەروێش و شکەستی و زانایێن ئايينى و ھەر ئێزدیەكی بڤێت ، ڤان چل رۆژا ب رۆژی دبت و دبێژنە وان چلەگر و دڤیا ئەوێن رۆژیا بگرن ل ھێڤارا رۆژیا ئێكێ ، قەستا پەرستگەھا لالش بكەن و ھندەك ئاخێ ژ چلەخانێ دگەل خۆ ھەلگرن.
چلێ ھاڤینێ ژ (۱۱)ی حوزه‌یرانێ هەتا(۲۰)ی تیرمەهێ ب هژمارا رۆژهەلاتی و(۲۰) ی تیرمەهێ دبته جەژن،یانكو ٢٤/حوزه‌یرانێ دەست پىێ دکەت وهەتا ۲ تەباخێ ب هژمارا زاینی ، ئانکو ٤٠ رۆژن وەکی دیار ئەڤ جەژن ب دەمی ڤه یا گرێدایه د ڤان رۆژێن گەرم و درێژ دا زەلامێن ئۆلی و هەر ئێزدییەکی بڤێت چل رۆژی یان ژبۆ خودێ دگرت ،یانكو ئەو کەسێ چلێ هاڤینێ ب رۆژی دبت ، دبێژنێ ( چلەگر) د رۆژا داویێ دا ژ چەلەیی دبته جەژن و رێو و رەسمێن ڤێ جەژنێ ل پەرستگەها پیرۆزا لالش ، ب ڤی ئاوایی دئێنه گێڕان :
۱- ئێزدی قەستا پەرستگەها پیرۆزا لالش دکەن گەرەكا د سەر پرا سەلاتێڕا دەربازبت و بچتە سەر حەودا كانیا سپی و دەست و چاڤێن خۆ پێ پاك بكەت .
۲-ھەر ئێزدیەكی بچتە لالشا نورانی دڤێت كانیا سپی و دەریێ قاپیێ و زمزمێ و سندروكا شیخادی و بەرێ شباكێ و نیشانگەھا شێخ فەخر ئختیارێ مەرگەھێ و مەزارگەھێن شیشمس و شێخ و پیرێن خو و ل مەزار و نیشانگەهێن خاسا زیارەتی دبن.
۳- ل ھەموو ھێڤاران سەما تێتە كێشان و چرایێن ئاقد و نیشانگەھێن خلسا دھێنە ڤێخستن و هیڤی و دوعایا دکەن.
٤- ل ھەموو رۆژان سبەیكا پشتی بەیتا سبێ و ھێڤارا بەری بەیتا ھێڤاری رێ و رەسمێن قنتارێ دئێنە گیران و ھەر كەس خۆ و كەس و کارێن خۆ ب ئاڤا زمزمێ سەلادکەن.
۵- کەسێن نە مۆرکری ب ئاڤا کانیا سپی د ئێتە مۆر کەن.
٦- ھەموو ھێڤارا قەول و بەیت و قەسیدە دئێنە ب رێزگرن و دەف و شبابا لێدخن .
۷- گوڤەندادەرێ كانیێ د ئێتە گێران.
٨- سەردەریێن خاسا سماتێ چێ دكەن.
٩- ل رۆژا دومایكێ ژ جەژنێ تاووس د ئێتە جوانكرن و ل گوندا هەر مالەک سەربرەکێ سەر ژێدکەن.
هەر بۆزانین فەره چلەگر چلێ زڤستانێ ژ ٢٤ هەیڤا کانونا ئێکێ دەست پێ دکەت و هەتا (٢) هەیڤا سباتێ ب هژمارا زاینی دیسا ل رۆژا٤٠ دبته جەژن رێو ره‌سمێن ڤێ جەژنی هەر وەکی یێن جەژنا چلێ هاڤینێ نه ل پەرستگەها لالش دئێنە گێران.
تُتاح هذه الصورة أيضا في: کوردی
