ژنا ئێزدی خوەدی ماف و رۆلە دتێگەهێن پێشڤەبرنێ و كارێ دەستهەلاتێ دا
جوان بەرواری 
باشترین بژاردە یاكو دبتە سمبوول بۆ پێشكەفتنا جڤاكان ئەوە كو ژن بكەڤتە دناڤا كاروبارێن وی جڤاكی دا ،ل هەر دەرێ و ل هەر مژارێ گەنگەشە دئێتە كرن و شارستانیەت وێ ئاڤاببە ل سەر دەستێ ژنەك خوەدی ئیرادە ژنەك خوەدی هێز و روومەت و رەوشنبیریەت دئێتە بجهیكرن بانگەشەكرن ژبۆ هەولدان و بەرخودانا ژنێ ب زۆری تێ ناساندن و شرۆڤەكرن دەما كو ئەم ل بوویەرو تراژیدێن ژنا دسەكنین وی دەمی ناخێ مە بەر ب هێژاندن و تەڤلی هەڤبوونێ دچە و وێ مانتەلیەتێ نیشانی مە ددە كو دبت ژن ژی خوەدی ئیرادە و هێزو رەوشەنبیریەت و رێكخستنە ژبەر ڤێ ژی نا ئەم لسەر وێ تراژیدیێ تشتێ هەری گرنگ بنڤسینن یێن كو بزان یێن ئەو بوویەر بۆ ژنێ ئاڤاكرنە هەروەسا خوەدی هەڤ قەبولكرنەك هەڤگرتیە ، ئەو یەكە ژی لسەر دەستێ ژنێ بخۆ دئێتە بەلاڤكرن و راگەهاندن دەما كو ژن خۆ ب هەبوون و ئیرادە بدە ناسكرن وی دەمی مللەت ژی فام دكت كو سباهیەك گرنگ ل پێشیا وی هەیە ئەو ژی ب وێ مانتەلیەتێ بگەهە ئارمانجەكێ سەركەفتی.
ئەگەر ئەم ب درێژاهیا دیرۆكێ ل بوویەرێن كەتینە بەرەبایێن هێزو هەڤگرتیا ژنێ ب راوەستین كو رەنگە بەر ب ئاقارەكێ گەلەك ب ئێشاندن و ب زەحمەت رابووریە تا گەهشتیە قۆناغەك دژوارتر ، ژن د كەڤنە شووپیا دیرۆكاندا هەروەكی ئەو ب خزمەتكارەك دهاتە پێش و دووركرن ژ بوارێ داهێنانێ و رومالكرنێ زانست و زانستی بوونێ خۆ رەوشەنبیركرنێ بگرە ژ ژیانا گوندی تا دەربازی یا باژێری بوو ئەو خال و پرەنسیپ و بەرەف بەستبوونێن دهاتنە پێشیا وێ گەلەك ژ فكرا وێ دهاتە گهۆرین وهاتە هژمارتن دگەل ژیانا مودێرن، نموونە دەمێ دەولەتێن ئەوروپی گلوبالیزم دەركەفت دناڤا جڤاكی دا ئێدی ژن ل ئەوروپادا بوو خوەدی ئەرك و مافەك و ب تاكەكێ هاتە ناساندن و بەردەوامی دا ب ژیانبوونێ و جیهانگێریا پێشكەفتنێ پەیدابوو و ئێدی ژنێ خۆ هژمارت خوەدی رۆلەك گرنگ ، لێ دجڤاكێن خوەدی كۆمەلگەه و دابونەریتی هێدی هێدی ژنێ خۆ ناسكر و تایبەت رۆژهەلاتا ناڤین ژن لبەر زۆری زەحمەت بوونێ و زولم و ستەمێ وەك بخوەدیەكێ دەركەفت هولێ، لێ پشتی پەیدابوونا جیهانگێریا پێشكەفتنێ،تارادەیەكێ دناڤا رۆژهەلاتا ناڤین دە ئێدی ژنێ بەرگری ژ هەبوونا ئیرادا خۆ كر.
ل ڤێرە كو خالا من دڤێت ئاماژێ دەمێ ئەوە كوشنگال دناڤا جۆشەك و زولمەكەك فەرمانەك خوەسەری پەیدابوو ،تایبەت پشتی فەرمانا تیرۆرستێن داعشێ ئەو تراژیدیێن بسەرێ شنگالێ هاتین ب تایبەتی كچ و ژنێن ئێزدی نەحەقی لێ هاتیكرن كاری ئەوێ شەرەف كەرامەتێ بدە بەرچاڤێ جیهانێ حەموویێ ،كو ئێدی ئەوكاری بەرجەستەبوونا هەر بوویەرەكێ ل بەر چاڤێ خۆبگرە و بەرخودانێ بكە هێزەكێ لسەر دەستێ خۆبگەهینە حەموو دنیایێ ، ئەگەر ژنا ئێزدی خۆ ب خودان هەلویست بینە زمان ئێدی گەرەكە ئەو ب سەر بكەڤە و ئەودكارت سیستەمەكێ ل هەردەری دروست بكە ب حەموو هیمەت و ئیرادابوونا خۆ كارێ خۆ رێكخستن بكە و ئەڤ یەكە ژی دانی بەر چاڤێ حەموو جیهانێ كو ئێدی ئەوژی خوەدی ماف و رۆلە دتێگەهێن كاركرنێ پێشڤەبرنێ دەلیڤێن كارێ دەستهەلاتێ و شارەزایبوونا هەر بوارەكی دا،ئێدی خۆ خودان بەرهەمدار ب بینە.
تُتاح هذه الصورة أيضا في: کوردی
