بۆ چارەنڤیسەكێ گەش دڤێت ئەم ئێزدی بێژین بەلێ بۆ ریفراندۆمێ
مه‌هدى حه‌سه‌ن
ژیان و ژیارا مڕۆڤێ ئێزدی و ئێزدیاتیێ د قوناغەكا سەخت و دژوار دا یا دەرباس دبێت و كەفتیا ل مەترسێ دا ھەگەر سەرەدەریەكا دروست نەكەین دگەل كاودانێن دھێنە پێش ، نەخاسمە پشتی ھاتنا داعش و ئەڤ كۆمەل كوژی وفەرمانا ب سەرێ مە ئێزدیا ھاتی و بتریا ئێزدیا ل كەمپ و كاڤلا دژین بلی زەرەر وزیانا گەھتیا ئێزدیا چارەنڤیسەكی ڕەش و تاری ل بەندا مە یە ، ھەگەر ئەم نەھێینە ھشیاركرن بتایبەت ل سەر پڕسا ڕیفراندۆمێ وبكەڤینە د بن فشارا ھندەك كەس و لایەنا دا ئەڤێن دل ڕەشی دگەل كوردستانێ ھەین ،دێ ئێزدی و ئێزدیاتی بەرف ئاقارەكی وەندا ڤە جت و ھێدی ئەڤ ئۆل و مللەت دێ كەڤیتە دەستێ نەیارێن ئێزدیاتیێ دێ ھێنە ژ ناڤبرن.
بەلاڤبوونا ھندەك بیرو باورێن جودا و دژایەتی كرنا كوردستانێ و پێشمەرگەھی كارەك نە ڕەوایە و شاشە، دڤیا بەرژەوەندیا مللەتێ خو ب پارێزن، ھەگەر سوباھی جارەك دی مە خو ژ كوردستانێ ڤەقەتاند و ئەم ڤەگەریانا بەر رەحما عەربێن شوفینی و نەڤین داعش و كەڤنا بەعسیا ژبەر كو ٩٠/١٠٠ژ ئێزدیا سەر ب پارێزگەھا موسل ڤەنە دێ كەڤینا بن دەسھەلاتداریا وان ، دێ پەشیمان بین و عەرب رەحمێ ھێدی ب مە نابەن و چاڤێن مە ژی ب عەربا ھێدی ڕانابن پشتی و خیانەتا بناڤێ داعش و غەدرا ل مە كری ، دێ دەستێ مە كەفتا بن بەری ب كێشین دێ سەلخت و ب مینت دێ ئیشێت ،ژبەر كو حوكمێ ل موسل دھێتە كرن دێ نەڤێن داعشا بن و عیراق ژی شیعە یێ حوكمی دكەن ویا كونترولكری ، ھەمی بریار و دیتنا وان ژ قم و تەھرانا ئەز نزا دێ جی بو ئێزدیا ھێتە كرن ژ لایێ مەزھەبێ شیعی و دەولەتا ئیسلامی ،دیروك ژی دیدەڤانە كا عەربا ج ب سەرێ مە ئینایە و چی دگەل مە كریا مە خێر ژ عیراقێ و عەربا نە دیتی یە نە ل وەختێ مەلكی و نە یێ مالكی ھەر دەم ب چاڤەكی نەزم بەرئ خو داینە ئێزدیاتیێ و ئەم دیتینە د كوڤی و بەند،،نۆرمالا ھندەك خەلكێ بێ ڕەوشت خۆ دابیتە عەربا و ببنه زەلامێن دەسھەلاتدارێن حكومەتێ بەری نھا و نھو ژی دگەل حشدا شیعی بو تەپەسەركرنا مللەتێ خو و ئاڤاكرنا قەسرەكێ یا تورمبێلەكێ خو ب سەرفراز دیتیە بو زانین ئەڤ كەس یێن خو دایە دوژمنا گەلەك د ریسوا و شەرمەزارن د جاڤێن خەلكێ دا و شەكەستی بوون و ئەو ب سەرشۆڕیا خو د حەسیان بو نمونە ل وەختێ ڕژیما گۆڕبەگور عەرد و ملكێن مە د دەستێن عەربا دابون ئەم داینە كوشتن بو پاراستنا عەرۆبەتێ و ب ھەزارا شەھید ئێزدیا دان ل شەرێ قادسیە دگەل ھندێ ئەم ل ڤان كومەڵگەھێن ملی خرڤەكرین و ھەر كۆمەلگەھەكێ عەربەك كرا بەرپرس و خاس و جاكێن مە دەستێ وان دابون یەعینی ب كورت و كرمانجی مە خێر ژ عەربا نە دیتیا دڤیا بێژین بەلێ بو ڕیفراندۆمێ بەلێ بۆ سەربخۆیێ بەلێ بۆ كوردستانێ و ڤەگەڕێن سەر عەردێ بابە و كالا ، كوردستانا ھەمی ئاین و نەتەوا ، برایەتی و ھەڤالینی یا عەربا دیار بو ل شنگالێ جاوا دەست درێژی كرنا سەر شەرف و ناموسا مە و كج و ژنێن مە ل سۆك و قەیسیریا فرۆتن و كەرب و كینا خو ھەر زوو دیار كرن لێ بەرو ڤاژی گەلێ كوردستانێ ب ھەمی پێكھاتێن خو ڤە د ھاوارا مە ھاتن و خو ل مە كرنە خودان ودەرگەھێن مزگەفتا بو مە ڤەكرن وئەرزاق و جل و برگێن پیتڤی بو خەلكێ ئاوارە ئینان وكج وكورێن خو شەھبد كرن بو رزگاركرنا شنگالێ و پاراستنا شەرف و كرامەتا گەلێ كوردستانێ.
بەلێ گازیا مە ئەوا بەرۆڤاژی عەربێن سونی و تێشكێن داعشا پشت ڕاست بین گەلێ كوردستانێ دێ خو ل ئێزدیاتیێ كەتا خودان و ئەڤ موسیبەتا ب سەرێ ئێزدیا ھاتی دێ قەربووكەت و دێ ب قەلەمێن زێری ل دیرۆكا بزاڤا ئازادیخوازا گەلێ كوردستانێ ھێتە توماركرن دۆژمنێن گەلێ كوردستاتێ فەرمانا ئێزدیا ڕاكر پێخەمەت كوردایەتیا رەسەن یا ئێزدیاتیێ بو ، دڤیا بزانین كوردستان جھێ پڕستگەھا لالش و خاس و گور و گۆرستانێن مە یە وارێ مێرخاس و عەگید و جانگوریێن ئێزدیاتیێ كوردستانە ،لەوا ژ مە د ھێتە خاستن ب ژن و زەلام كج و كور رۆژا (٢٥/٩/٢٠١٧) بەرڤ دەنگدانێ ڤە بچین و بێژین بەلێ بۆ كوردستانا من بلا بتە ده‌ولەت.
تُتاح هذه الصورة أيضا في: کوردی
