پێتڤیە ب شێوازێ پێكڤەژیانێ تەماشەی ئێك بكەین
جوان بەرواری 
هەر جڤاكەكێ چەندین سالوخەت و بیروبۆچوونێن جودا وجودا هەنە، جڤاك ب هەبوونا پەرگالا پێكڤەژیانێ دئێتە ناسكرن و جوانكرن،هەردیسان ب وی شێوازێ پێشكەفتنا چاند و داب نەریت و هۆنەرو پەیرەو پرگرامێن خۆ یێن دەستپَكی دبتە خوەدیێ جڤاكەك پرۆڤیشینال،لەورا ل ڤی ئەساسی ژی جڤاك پێتڤی ب چەندین خالێن گرێدایی ئەولەهیی و شیانێن خۆرتكرن و رەنگدانا پەیوەندیێن جۆراوجۆر هەیە،داكو ژ پلەو پێلیسكێن نەرێنی سەرنەكەفتی بەرەف رێیێن سەركەفتنێ بچت.
دبت زۆربەیا جاران ئەڤ كارتێكرنە كەفتیە ل سەر هزرا نرخێ جڤاكێ مەدا وەكی بەر بەر بەلاڤبوونا هزرا دەمارگیریێ دەما ئەم بەحسا دەمارگێریێ دكەین كو رەنگە ئەم بەرەف رامانا وێ نەچووبین و مە كار ژی بۆ وێ نەكریە،ژبەركو هەر كەسەك ل ناڤا ناخێ خۆ دا هەستێ دەمارگێریێ ل جەم پەیدابت،لێ جوداهیا هەر تاكەكێ ب رەنگەكی یە دەما ئەم دبینن كو وەلاتەكی چەندین ئۆل ونەتەوە تێدا دژین لێ هەبوونا دەمارگێریێ چ جوداهی نینە، لێ كوردستانێ دناڤا چەندین ئۆل و نەتەوەیێن جودا دا دژیت پێتڤیە ل سەر مە ئەم حەموو ب شێوازێ پێكڤەژیانێ تەماشەی ئێك بكەین ، ژبەركو هەر نەتەوەك ب شێوەكی داب و نەریت و ئۆلاتیا خۆ هەیە و ل دووڤ وێ مێزگەردێ دچن ئەوا دكەتوارێ كەڤن دا باب و پاپیرێن وان ل دووڤ دچوون و دبوونە شەنگستە د بەردەوامیا ژیانا واندا ، ل ڤێرە دەمارگێری نەبتنێ ئەوە دەمێ ئەم بێژن ئەم یێن دناڤا كۆمەلەكا مرۆڤان دا دژین مە گەلەگ جۆرێن دەمارگێریێ یێت هەین ئەو ژی ئێك ژوان ئەوا مە بەری نۆكە ئاماژە پێدایی ،ژلایەكێ دیڤە دەمێ توو بینی كەسێن دەوروبەرێن تە یێ هەولدەن دگەلتەدا بكەڤنە گەنگەشێ دانوستاندنێ و رەنگە وەك هەڤتێكەل بوونێ پەیدابكەن و تە خۆ دووركر و هەولدا وێ رەفتارێ بكەی كو توو نە بدلخۆشی خۆ بەرهەڤكەی بوۆڤێ یەكێ وی دەمی تو بخۆ دەرماگێریێ ل جەم خۆ پەیداكی و هەولدەی دەوروبەرێن تە ژی ب ڤی شێوەی تێكچووی بن ،هەردیسان ژلایەكێ دیڤە دەمارگێری پەیدا بت دەمێ توو پەیوەندیێن خۆ بری دگەل دەوروبەرێن خۆ و بتنێ توو هەست كەی كو تووبتنێ یێ دژی و ل ناڤا چاردیواران دا تە یا خۆ بێ بەهركری ژ تێكەلبوونێ ئەو دەم ژی دەرماگێری دێ دلەشێ‌َ تەدا پەیدابت ،رەنگە هەتا بەرەف بارودۆخەكێ نەرێنی ژی بچی و بكەڤیە دناڤا دەروونەكێ نەئارام دا،ژبەركو بتنێ دێ هزركەری دمێشكێ تەدا پەیدابت ئەڤەژی بتە ئەگەرێ لاوازبوونا پێكڤەژیانێ دناڤا كۆمەلگەهێ دا.
پێتڤیە حەموو دەما مرۆڤ وێ هزرێ بكت كو كەسێ بەرامبەری مرۆڤی بۆچونەكا دی رۆلەكێ دن یێ هەی یێ جودایە ژهزرو بیرێن مرۆڤی ،لەورا ب ڤی شێوەی هندی پەیوەندی هەبن دگەل دەوروبەران دەمارگێری كێم تر لێ ئێت دناڤا جڤاكان دا،هندی پەیوەندی بەرەق لاوازبوونێ بچن دەمارگێری بتە ئێشەكا كوژەك دناڤا كۆمەلگەهێ دا ، یاگرنگە هەر كۆمەلگەهەك ل دووڤ هەست و هزرگەریا پێكڤەژیانێ بچت وببتە ئەگەرێ خۆرتكرنا پەیوەندیان دناڤا جڤاكی دا ، گەلۆ بۆچی ئەم ب خۆ هزر د چارەسەركرنا ڤێ فكرێ و دەمارگێریێ دا ناكەین و هەولنادەین كو دروشمێ پێكڤەژیانێ پێكڤە بلند بكەین و كۆمەلگەها خۆ بكەینە ئەو شێواز ئەوێ ل بەرامبەری مە نە ل پشت مە ،ژبەركو پالدەرێ ناڤخوی ئەو رۆناهیە یاكو دەروونێ مە پێ رۆن دكت.
تُتاح هذه الصورة أيضا في: کوردی
