پەیدابوونا مللەتێ كورد د دیرۆكێ دا
فەهمی بابێ رۆژانێ 
مللەتێ كورد ئێك ژوان كێم مللەتانە ئەوێ ل ئاسیا رۆژ ئاڤا ودجیهانێ دا شیاین خوە بپارێزن ژلایێ (ئەتەنی ڤە)،ژكەڤندا وهەتا رۆژا ئیرۆ وهەكە ئەم لسەر بیرورایێن زانایێن دیرۆكی یێن كەڤن بچن كو ژلاێی زانستی ڤە شرۆڤەكرین ئەم دێ بینین كو پەیدابوونا وان دزڤرتە دۆرێن بەری (2500) سالی بەری زایینی، وەك رەگەز مللەتێ كورد بەری نێزیكی (1500) سالی بەری زایینی هاتیە مەیدانا مللەتان وئەڤە لدۆر چ مللەتێن دی یێن ئورۆپی یێن هەڤچەرخ نائێتە گۆتن وگەلەك مللەتێن ئاسیا وئەفریقیا ژی نەشێن ڤێ كەڤناتێی بۆ خوەدانن.
هەڤگرتن وپەیدابوونا مللەتێ كورد هاتیە دیاركرن لوی ئەردێ دبێژنێ (كوردستان) كو نۆكە دئێتە نیاسین وژبەر ڤان بنەمایێن مرۆڤایەتی ودیرۆكی ونەتەوەی وپێكهاتا وان ددیرۆكێدا،ئەم دكارین بێژین كو كورد مللەتەكێ كەڤن ورەسەنە ل رۆژ هەلاتا ناڤین وكێم مللەت هەنە وەكی رەسەنایەتیا وان ددەڤەرێ دا وئەڤەیە پێناسیا سەرەكی یا دیرۆكا كوردان وتشتی دی یێ دیار ئەوە كو چێبوون وپێكهاتا كوردان هەتا رۆژا ئیرۆ ژی دگەشە ستاندنێ دایە سەرەرای درێژیا چێبوونا ڤێ پێكهاتێ وئەڤ چێبوون ژلایێ ئابووری وجڤاكی دقۆناغێن جۆرا وجۆرا دەرباز بوویە وژبەر هندەك ئەگەرێن دیرۆكی چێبوون و وەرارا كوردان ب شێوەكێ لاواز وەرار كریە وهندەك ژوان ئەگەران هەتا ڤی دەمی ژی ماینە تارادەكی مەزن دبنە ئاستەنگ دپێشیا چارەنڤیسی واندا،ژلایێ چێبوونا رامیاری ڤە وپێكهاتێ (ئەتنو نەتەوەیێ ڤە) ل ناڤ كوردان بەردەوام دبارودۆخێت زۆر ئالۆزرا دبۆرین وژبەر ڤێ چەندێ بوو زانایێ رووسی (ن ـ یا ـ مار) ئەوێ پسپۆر ب وارێ كوردو قەفقاسان ڤە دگۆت كو كورد (پارچەبوویێن دیرۆكێ نە)وژبەر وان ئاستەنگێن دهاتن بەرایكا وان ژبۆ یەكبوونا وان یارامیاری ونەبوونا دەولەتا كورد یا سەربەخۆ وهەڤگرتی وژبەر وان حەموو شەر وئێرش وتالانكرن وژناڤبرنا بەردەوام دهاتە سەر كوردان ورێكا شۆرەشێن وان دگرت ب شێوەكی خویناوی ژناڤدبرن وقركرنا ب كۆم لسەر وان دسەپاندن و ژدەڤەرێن وان دبرن وبووە ئەگەرێ چەندین جار پارچەببن وئاخا وان ژی پارچە دكرن وجارەكادی دهاتن پارچەكرن وئەڤێ چەندێ كاریگەریا مەزن دكرە سەر وەرارا رەوشەنبیری وئابووری وجڤاكیا مللەتێ كورد ددرێژیا دیرۆكێ دا وئەو ئەگەرەكا مەزن بوو كو هێلا كورد بمینن پاشكەفتی ژمللەتێن دی یێن دەورێن خۆ وژحەموو لایانڤە وب تایبەت ژلایێ یەكبوونا نەتەوەی وسەربەخۆبوونێ ڤە،بەلكی مللەتێن دی بوون خودان ئاخ ودەولەت ژبلی وان دەولەتێن دجیهانێ دا گەهشتین پلەیەكا بەرز ژپێشەكەفتنێ.
ئەڤ چەندە بوو كو مللەتێ كورد خودانێ ڤێ دیرۆكا دێرین نێزیكی (30ـ40) ملیۆن كەسی دبێ ئاخ ودەولەتن وژمافێ چارەنڤیسێ خۆ دبێ بەهرن،ئەڤە ئەگەرەكێ هەرێ مەزنە دكەڤە درێكا وەراربوونا وانا نەتەوەی دا وئەڤە وێ چەندی دیار دكت پێتڤیا دیرۆكا مللەتێ كورد بێتە زانین وڤەكۆلین.
تُتاح هذه الصورة أيضا في: کوردی
