سبەی كەرەمكەنە توافا گوندێ مە؟؟؟؟؟؟
فەهمی بابێ رۆژانێ
ژداب ونەریتێن مە یێن كەڤن ودێرین جەژن وتەوافن وهەر گوندەكی توافا خاسەكی یان بابچاكەكی لێ هەیە ودكەن بەلێ چاوا دكەن ؟؟؟هەڤال ودۆستا دخوازن بۆ گوندی ل وێ رۆژێ ودڤێت سەربرەكێ بكرت یان پەیداكەت چنكو شەرمە دێ مێڤان بۆ ئێن وژبلی وێسكی وبیرایێ وفێقی وچەرەزا وكەسكاتیێ ونیڤرۆ دێ رایخن ژ هەموو رەنگا ومال هەموو دێ پێڤە شەپلن ژبلی وێ مەسرەفا زۆر وبێ بەهانە دبیت هەكە خودانێ مالێ مووچێ هەیڤەكێ ب مەزێخە وتێرا ناكەت یان دێ دەینكەت دا شەرمەزار نەبە لبەر مێڤانا ،ڤێجا ڤەخوە هەكە دێ ڤەخۆی وسەر خۆشبە وهەرە داوەتێ بسەرخۆشی وچاڤا نەچێرینە وئاریشا نەكە وب تایبەت هندەك لاوێن مە یێن نەسمبێل ونەتانیشێ ئێزدیان لێ ناكەڤن ودیسكۆ ودەنسا وپەنتەلۆن بسەر پاشیێ داهاتیە خوار دێ بێژی هاها دێ كەڤت وئەوژی مودیلە عەیبە بەحسێ نەكە یان دێ بینی هندەك یێ ڤەدرەشن لبەر دەرگەها فەقیرا هنجی خوار وڤەخوار بێ سنور ؟؟گەلۆ وە دیتیە هنەك دینێن دی لرۆژا جەژن وهەلكەفتێن خوە ڤەدخۆن وخوە سەر خوەش دكن ؟؟؟!!،ژگوندەكی دچنە گوندەكی دی وهەكە نە عەزمینی عەیبە ودێ تورەبت ؟؟هەكە لدەمێ بەرێ خەلكێ بێكار وڤالا بوو نهۆ هەموو خودان كار وئەركن وهەكە داخازكری نەچە یێ داخازكری دێ تورە ببە ؟؟.
ڤێجا وەرن جارەكێ بتنێ لخوە بزڤرن وهزرێن خوە درێخستنەكێ دە بكەن كو بگونجە لگەل ڤی سەر دەمی وئەڤە ژئەركێ بنگەه وسەنتەرێن رۆشەنبیری یە بەلكی ئەركێ جڤاتا روحانیە هندەك رێنما ویاسا دەركەت ولسەر هەمیان بسەپینە ودیڤچۆن لسەر جێبەجێكرنا وان بریاران بكەت وئەوێ سەر پێچیێ بكەت بێتە لێپرسین بلا بەس خەلك بمە بكەنن وهەتا هۆستاژی (قەرەچ )ل وێ رۆژێ دەرفەتێ دبیینن ودێ بینی كەمانچا وی ددەستیدایە وهات دەلۆیلۆ وفاتمێ ژ جەماعەتا مێڤان وسەر خوەشارە بێژە وپێكا خوە راكن وچێرس وڤەخۆ هەكە دێ ڤەخۆی رۆژ رۆژا وەیە ؟ لەورا دگەل رێز وپێزانینێن مە بۆ هەموو ئۆل وئایین وداب ونەریتان ونەخاسمە ئەم خوەب رەسەناتیێ دبینن دڤێن هندەك رێنما وبریار بێنە دان ژبۆ پاراستنا وان داب ونەریتان وەكی :
1_قەدەغەكرنا ڤەخوارنێ لرۆژا تەوافێ ژبەر پەیدابونائاریشان .
2_هەر گوندەك توافا خوە بكەت بسلامەتی وخێر وخۆشی بێ كەرەمكرنا خەلكێ وهەڤالێن دور بلا وێ زەحمەتێ نەكێشن وروودان چێنەبن برێڤە،وەكی ل رۆژا ئینیێ كچەكا بیست سالی كوژ توافا خەتارێ دهات ترومبێلەكێ لێدا ونەگەهشتە خەستا دهۆكێ وگیانێ خوە ژ دەست دا مخابن،ئەڤە ل توافا پاربوو وخودێ دزانت ئەڤسالە دێ چەند روودانێ دلتەزین روو بدەن خودی نەكەت.
3_بلا هەر مالەك فراڤین وسەر بڕا خوە بۆ زارۆكین خوە ودەرو جینارێن خوە چێكەن وكەسی ژدوور داخاز نەكەن.
4_رێورەسمێن پیرۆزێن وان خاس وبابچاكان بلا ب پیرۆزی ومەراسیمێن ئۆلی وەك نەریتەكی ئۆلی، نە ب دهۆل وزرنا وببیتە دیسكۆ دەنسا وجهێ جۆڤانان وپەخشكرنا مودێلان وبەرگێن روس وبێ رەوشت ودوور ژ ئۆلا مە وخاس وبابچاكێن مە .
5_بلا دەف وشەباب وقەول وقەسیدێن ئۆلی ومێزگەردێن ئۆلی بێنە گرێدان شونا گەرا دیلانێ وچاڤچێرینێ ودوور ژهەموو بەهایێن ئۆلی .
بدیتنا مە هەكە پێدا چۆنەك نەئێتە كرن دڤان هەموو رەفتار وداب ونەریتێن دور ژ هەربە هایێن پیرۆزیێن ئاینان، دێ بزوترین دەم ئێنە حەلاندن وەكی لهەر جهەكی ئەم دحەلیێن لناڤ ئیراقێ ودەرڤەی وەلاتی هەر خودێ دزانە چی دقەومە ؟؟؟؟دگەل داخازا لێبۆرینی ژ لاوان و هەموو مەی ڤەخوەرا وسەیرانیا وهیڤیدارم هەر تواف بخێروخوەشی وبێ كارەسات وروودان وسەرخوەشی بسەر مللەتێ مە یێ بێ كونترۆل ببۆرن؟؟ وبراستی بدیتنا من وژبەر ڤان كاودانێ سەخت ودژوار وقەیرانا دارایی وشەرێ داعشێ وكارەساتا شنگالێ وكچ وخوشك وبرایێن مەیێن ددەستێ داعشدا وبسەدان هەزار ئاوارە ودكاودانێن سەختدا دژین ؟؟؟،دڤیا بریارەك هاتبا بەلاڤكرن ژ جهێ بریارا ئێزدیان وجڤاتا روحانی كو ژبەر وان ئەگەرێن لسەری دیاركری بتنێ رێو رەسمێن ئایینی بێنە گێران وبێ دەگ ورەقس ودیسكو دەنسا وەك رێزگرتن بۆ شەهیدێن دەستێ فەرمانێ!،و ژبۆ وان كەسێن هێشتا دبێ سەرو شوێن وتێنە كرین وفرۆتن ،دگەل داخوازا سەركەفتنێ بۆ هێزێن پێشمەرگەهی ورزگاركرنا هەموو شنگالێ وڤەگەریانا ئاواران بسەر بلندی بۆ جهو وارێن خوە وبێنە پاراستن ژلایێ هەرێمێ وجیهانێ ڤە ؟؟؟.
تُتاح هذه الصورة أيضا في: کوردی
