هێڤێنێ مرۆڤایەتیێ قورتال بكن
شیلان عبدالمناف 
بێ گۆمان دڤێ فەرمانا دوماهیێ دا،ئێزدیان قوربانیەكا هەرە مەزن دا ،ژهەمی ئالیەكی ڤە (گیانی،مادی،دەروونی،ئابووری،جڤاكی،ئۆلی،نەتەوەیی .. هتد) تاكو پشتی رزگاركرنا دەڤەرێن وان ژی هەر شوینوارێن ڤێ كارەساتا دلتەزین ل سەر هەست و نەستێ خەلكێ خویایە و پاشماوەیێن وێ دێ هەر مینن هەتا كو بەرە بابەكێ نوو ژی بێت،ژبەركو نە یا ئاسانە ئەو قركرن و كۆمكوژیا ب سەر ئێزدیان دا هاتی دئێتە هژمارتن ژ خرابترین و دژوارترین هێرش مللەتەك تووش بوویێ دچەرخێ 21 ێ دا.
هەروەسا ژبلی دەربەدەری و هێلانا مال و مولكێ خۆ ب ناچاری ،تووشی بن بركرن و كوشتن و گرتن و ئەشكه نجەدان و فرۆتنا كچ و دایك و خوشكان و ژێكجوداكرنا دایك و زارۆیێن وان ژ مالباتێن وان و رەڤاندنا زارۆكان نە تشتەك ئاسانە مرۆڤ ژبیرا بكەتن ،و هەلبەت كاردانەوەیا نیگەتیف دێ ل سەر دەروونێ وان مینت.. لێ پشتی كو دەڤەرێن وان ژ تیرۆرستێن داعشائیسلامی هاتینە رزگاركرن ،ئێزدیان هەناسەیەكا ئۆمێد و ئازادیێ هە لكێشای، بۆ وان دلخۆشیەك و هیڤی و ئۆمێدەك بۆ وان پەیدابوو، كو ئێدی ڤەگەرن ل سەر وار و مال وجهێن خۆ ،لێ دیسان چەند ئاستەنگێن دی هاتنە پێشیا وان و چەند هێزێن چەكدارێن نەئاسایی بوونە ئەگەرێ هندێ كو چەند خورتەكێن ئێزدیان گیانێ خۆ ژ دەست بدەن و نە ئارامییەك ل دەڤەرێن وان دیسان سەرهلدا.
ئەڤجا ئەركێ حكومەتا هەرێما كوردستانێ یە كو ئێزدیان بپارێزت ژ هەر هێرشەك و ململانێیەكا سیاسی ،ئێزدی هێڤێنێ نەتەوایەتی و مرۆڤایەتیێ نە ،دوژمن ژی هەمی هەولان دەت كو ریه وریشالێن ڤێ رەسانەتی یا ئێزدیان نەهێلت،چنكو دزانن هەبوونا ئێزدیان هەبوونا مللەتەكی یە دیرۆكا وان( 6,000) سالن،شارستانیەت و بنیاتێ نەتەوا رەسەنا كوردان ژ مان و بەردەوامیدانا نفشێ ئێزدیانە،مانا ئێزدیان مانا كوردانە، ئەڤجا بلا ئێدی ئێزدی نەبنە سووتەمەنیێ ململانا سیاسی.
تُتاح هذه الصورة أيضا في: کوردی
