ژیانا نڤشێ داهاتی یێ ئێزدیان د مەترسیێ دایە
جیهان عەبۆ 
زارۆك و گەنج بنیات و شەنگەستێ پێشڤەبرنا وەلاتینە،وەلات بنڤشێ داهاتی كو یێ خوێندەوار زانابت پێش دكەفت،لێ تیرۆرستێن داعش نڤشێ داهاتی یێ ئێزدیان ژیان ل وان رە شكر و خەونێن وان ژناڤبرن،چنكو زارۆكێن ئێزدیان دیدەڤانێ زیندی یێ ڤێ فەرمانا رەشن.
پشتی فەرمانا شنگالێ یا ژ ئالیێ داعش ڤە ل 3تەباخا 2014ێ،پرانیا خەلكێ شنگالێ بوونە قوربانی و سەر و مال و زارۆكێن خۆ ژ دەست دان و بوونە قوربانیێن كریار ویاسایێن پیسێن رێكخراوا تیرۆرستیا داعشێ، فەرمان و مالوێرانی ب درێژاهیا مێژوویێ ل سەر كێمینا ئێزدی دە هاتین ب سەر چ كێمینەیێن دی یێن ئۆلی ل عێراقێ نەهاتینە و ئەڤ چەندە دبەرپەرێن دیرۆكی دە یا خویا یە ، زارۆك و گەنجێن ئێزدیان ژبەركو ئۆلا وان جودا بوو ئەو راستی ئەڤان نەهامەتیا و نەخۆشیا هاتن زارۆك یێ ل ناڤ بازارێن داعش بخێزانێن غەیری ئێزدی دئێنە فرۆتن و چارەنڤیسێ وان نەیێ دیارە، و گەنج و لاوێن ئێزدیان ئێخسیر و زینداكرینە و لژێر ئالایێ داعش فێری شەری و كوشتن و كارێن درندانە دبن،پشتی رزگاربوونا ئەڤان گەنجان هزرێن خرابێن داعش دێ كارتێكرنا خۆ ل سەر وان هێلت.
ژلایەكێ دی ڤە نڤشێ داهاتی یێ ئێزدیان دێ نەخوێندەوار و نەزان بت،ژبەر ئاوارەبوون و رەوشا وان یاخراب دناڤ خیڤەتان دا،چنكو د ئاوارەبوونێ دا ژیان گەلەك یا ب زەحمەتە هندەك ژ ئەڤان گەنج و زارۆكان كەسێ خۆ نینە،پێتڤیە بۆ خێزانا خۆ كار بكت و نانێ ژیانێ پەیدا كەت و نەبوونا قوتابخانە و بارودۆخێ ژیانا دژوارا تێرا دەرباز دبن،هەردیسان زۆربەیا خێزانێن ئێزدیان ێین دەڤەرا شنگالێ كەس و كارێن خۆ یێن هێژا ژ دەست دانە،لەورا گەنج زەحمەتە خۆ لبەر ئێشانا ژ دەستدانا دەیك و باب و خووشك و برایێ خۆ بگرن و ل داهاتی ژی دێ كارتێكرن ل پاشەرۆژا وان كەت،ژلایەكێ دی ڤە ژی پرسا كۆچكرنا ئێزدیان ژ وەلاتێ خۆ بۆ ئەوروپا كارتێكرنەكا دی ل سەر هزرو بیرێن گەنجێ ئێزدیان جێ هیشتیە بتنێ هزرا وان ل سەر چوونا ئەوروپایە،لور ژی دێ تێكلی داب و نەریت و كۆمەلگەه و جڤاكێ دی یێ جێواز بن،كو گەلەك ژ یێ مە ئێزدیان جودایە دێ ئەڤێ چەندێ خرابیا خۆ ژبۆ پاشەرۆژا نڤشێ داهاتی یێ ئێزدیان هەبت ل وەلاتین بیانی و دووركەفتن ژ رێ و رەسمێن خۆ یێن ئاییی مینا جەژن و هەلكەفت و حە د و سەدێن خۆ یێن ئولی و هەردیسان لالش نوورانی.
تُتاح هذه الصورة أيضا في: کوردی
