مێهڤان و (جه‌بهه)؟!
كۆڤان حسێن
د ڤان رۆژا دا پتر ژ مێهڤانه‌كێ هاتینه كوردستانێ وه‌ك سه‌رۆكێن وه‌لاتێ خوه یان نوونه‌رێن وه‌لاتێن خوه، ئه‌ڤه نورماله و ب هه‌ژی و رێك و پێكی ژی دهێنه پێشوازی كرن ل گۆر پرۆتوكۆلێن دیپلۆماسی ئه‌ڤه ژی نۆرماله. لێ تشتێ سه‌یر ئه‌وه ئه‌ڤ سه‌رۆك و نوونه‌رێن دهێنه كوردستانێ سه‌ره‌دانا سه‌نگه‌رێن پێشیێ یێن پێشمه‌رگه‌ی دكه‌ن. ئه‌ڤه نه‌یا نۆرسماله، گه‌له‌ك كاره‌كێ ب مه‌ترسیه، ئێك وه‌ك بازانی نه‌بیت پشتراست كێ ئه‌و وێره‌كی هه‌یه سه‌رۆك و نوونه‌ران ل گه‌ل خوه ببه‌ته سه‌نگه‌رێن هێزكا چه‌كدار د حاله‌تێ شه‌ڕكرنێ دا، دبیت سه‌رۆكێ فره‌نسی پشتی (دیگۆلی) جارا ئێكێ بیت سه‌رۆكه‌ك فرنسی بجیته جهه‌ك شه‌ڕێ چه‌كداری لێ هه‌بیت؟! دبیت سه‌رۆك وه‌زیرێ تركیا بۆ جارا ئێكێ بیت پشتی شه‌ڕێ (جه‌نه‌قه‌لایێ) چووبیته به‌رۆكه‌ك شه‌ڕێ فه‌رمی؟! و ب ده‌هان كه‌سانێن دی ئه‌وێن دهێنه كوردستانێ ژ دیپلۆماتكاران ژ په‌رلمانتاران ژ نڤیسه‌ران و هه‌تا دگه‌هیته بازرگانان، هه‌می ب باوه‌ریه‌كا موكم سه‌ره‌دانا سه‌نگه‌رێن هێزا پێشمه‌رگه‌ی دكه‌ن، ئه‌ڤه دیمه‌نه‌ك ڤالا نینه چه‌ند نه نۆرماله هند ژی یێ پری رامانه بۆ گه‌لێ كوردستانێ و سه‌ركرداتیا وێ و هێزا وێ یا چه‌كدار، چاوا خه‌لك قومارێ دكه‌ن و دچنه به‌رۆكێن شه‌ره‌كێ دژوار و فه‌رمی؟! بۆچی ئه‌ڤه ل چو جهێن دی چینابیت؟! بۆ گه‌لێ كوردستانێ چه‌ند هێزا پێشمه‌رگه‌ی جهێ شانازیێ یه ئه‌و هنده ئه‌ڤ سه‌ره‌دانه ژی هه‌ر چه‌نده د سه‌یرن لێ جهێ شانازیێ نه دێ بۆ دیرۆك ب سه‌رفه‌رازی بۆ مه وه‌ك نه‌ته‌وه‌یه‌كا بنده‌ست و ئازادیخواز نڤێسیت، بۆچوونا من سه‌ره‌دانا سه‌نگه‌رێن پێشمه‌رگه‌ی كاره‌ك باش نینه هه‌كه میدیا گرنگێی پێ نه‌ده‌ت، سه‌نگه‌ر و پێشمه‌رگه (ئاسایشا نه‌ته‌وه‌ی) و ره‌نگه دوژمن مفادار بیت ژ هنده‌ك وان دیمه‌نێن ده‌ردكه‌ڤن ل میدیایێ لێ سه هندێ را. هێزا پێشمه‌ری هه‌تا نوكه رێگری ل سه‌ره‌دانا كه‌سان نه‌كریه بۆ سه‌نگه‌رێن خوه، دبیت وان ژی بهانێن خوه هه‌بن، بۆ مه وه‌ك ملله‌ت پاراستنا گیانێ پێشمه‌رگه‌یه‌كێ زۆر گرنگتره ژ سه‌ره‌دانه‌كێ، لێ ئه‌م ره‌نگه به‌ر ب هندێ بچێن سه‌نگه‌ر ژی كه‌ڤاله‌ك جڤاكی وه‌رگریت و ئه‌ڤه بۆ مه باش نینه وه‌ك كوردستان.
تُتاح هذه الصورة أيضا في: کوردی
