قوتابی و مامۆستا دگەل پێشمەرگەیێن قارەمان ئەركەكێ نشتیمانی یە
ئلیاس نعمو ختاری
بۆ ئێكەمین جار دجیهانێ دا ئەم دبینین سەرۆكەك ب كەساتیا خۆ ودگەل كور و ومام وبسمام وهەموو مرۆڤێن خۆڤە بیست وچار دەمژمێرا ل سەرنگەرێن ئێكێ یێن شەریدا،خۆ دور ئێخستییە ژ خۆشی ولەڤزەتا دونیایێ ومال وزارۆكێن خۆ ب جه هێلاینە وهەموو جیهانا خۆ تەرخانكریە ژبۆ خزمەتا گەل و وەلاتێ خۆ و سەكنیە دژی دوژمنێن كورد وكوردستانێ وپاراستنا خاكا پیرۆزا كوردستانێ بوویە ئارمانجا هەرە مەزن یا ڤی سەرۆكی و وەكی شێران دسەكنینە دبەرۆكێن شەریدا ئەوژی جەنابێ سەرۆك ( مەسعود بارزانی یە)سەرۆكێ هەرێما كوردستانا عێراقێ.
دڤیا ئەم ئاماژێ ڤێ چەندێ بدەین بەری بچینە دناڤ بابەتێ خۆدا،ژبەركو بابەتێ مە ب بەرۆكێن شەرێ دژی داعش ڤە گرێدایە،بارودۆخێ ئیرۆ قوتابی ومامۆستا تێرا دەربازدبن نە بتنێ ب مامۆستا یان قوتابی ڤە ئی گرێدایە،بەلكو ب هەموو خەلكێ كوردستانێ بخۆڤە دگریت , ئەم هەموو دزانین ب درێژیا هەزارەهان كیلۆمتران ژسنوورێ هەرێما كوردستانێ شەر وتێكدانە دژی تیرۆرا داعشێ،ژئالیێ دیڤە ژبلی مووچەی مەزاختیەكە زۆر وگەلەك یە مەزن دئێتە مەزاختن ل وەزارەتا پێشمەرگەی وكرینا چەكی وهاتنا فرۆكێن هەڤپەیمانی بۆ سەر ئاسمانێ كوردستانێ وتۆپبارانكرنا پێگەهێن داعشێ,وهەر وهەر بێژین وباخڤین لسەر مەزاختیێن شەری دژی تیرۆرَ وئامادەكرنا لەشكەری بۆ ڤێ چەندێ هەر دێ كێم بێژین لەوما دڤێت ئەم هەموو بزانین وڤێ چەندێ قەبوولكەین كو ئەڤی شەری كارتێكرنەكا مەزن لسەر بارێ ئابووریێ هەرێما كوردستانێ كریە ، ل هێرە دێ ئێینە بابەتێ مامۆستایی وبارێ ئابووری وكێمكرنا موچەی ناچێبت مامۆستا بایكۆتێ بكت ودەواما خۆ ب جیهبهێلت ودڤێتن بەردەوامیێ بدەتە كارێ خۆ وەك مامۆستا وباش بزانتن كو نیڤەكا وان قوتابیان زارۆكێن شەهیدا وپێشمەرگانە وفەرمانبەرێن وەزارەتێن دینە كو ئەو فەرمانبەر د بەردەوامن لسەر كارێ خۆ وەك فەرمانبەر وموچەیێ وان ژی وەك موچەیێ مامۆستایان ئی كێمە, ژئالیێ دیڤە كێمبوونا پەرتۆكان دڤیان ئەڤێ سالێ قوتابی گرنگیەكا مەزن بدەتە پەرتۆكێن خۆ وپووتەپێدانەكا مەزن ب پەرتۆك وجلكێن خۆ بكت داكو هاریكاریا قوتابخانا خۆ بكت ب پاراستنا پەرتۆكان وكەل وپەلێن ناڤ قوتابخانێ دا،هەردیسان داكو قوتابی هاریكاریا مالا خۆ ودایك وبابێن خۆ بكت تایبەت ژلایێ ئابووری ڤە كو جلكێن سالا بۆری و چانتا وپێتڤیێن قوتابخانێ ئێت كەڤن بكاربینن،داكو گەلەك مەزاختنێ نەكن.
ژئالیێ پەروەردێ ڤە مامۆستا گەلەك چووینە دەرڤەیی وەلاتی تایبەت دەڤەرێن مە ئێزدیان وگەلەكا مۆلەتا بێ مووچەیێ وەرگرتیە،ئەڤێ چەندێ كارتێكرنەكا خراپ ئێخستیە سەر پرۆسسا پەروەردێ ب كێمبوونا مامۆستایان،لەوما ل گەلەك پەروەردا ناچار بووینە وانەبێژا بكاربینن ژ دەرچووین نوو یێن ڤان سالان یان هندەك رێنمایا بینە خوار بۆ ڤەگوهاستنا فەرمانەران بۆ مامۆستا , ئەڤە هەموو پێكڤە كارتێكرنەكا مەزن دئێختە سەر پرۆسسا خووندنێ ودئێختە سەر ملێ كارگێریا قوتابخانان،هەردیسان كارتێكرنەكا مەزن دئێختە سەر قوتابی ل قوتابخانان،ل هێرە دڤێت قوتابی خۆ ب قوتابیەكی بزانن تاكو هەردەم هاریكاربت دگەل مامۆستایان وكارگێریا قوتابخانێ وهەتا دگەل هەڤالێن خۆ و مالا خۆ،داكو هەموو پێكڤە مامۆستا و قوتابی وپەروەردە مل ب مل دهاریكاربن دگەل پێشمەرگێن قارەمان.
تُتاح هذه الصورة أيضا في: کوردی
