پێتڤیە كچێن رزگاربووویێن ئێزدی بێنە قەرەبووكرن
جیهان عەبۆ
ئۆلا ئێزدی و كچ و ژنێن ئێزدی بووینە نێچیرا تۆرا ترسناكترین رێكخراوا تیرۆرستی ،لەورا پێتڤیە ب هەر شێوەیەكی هەبت بێنە قەرەبووكرن،قەرەبووی یا روحیێ و دەروونی و جەستەیی،ئەڤە چاوا بكن و كی بكت ؟ پرسیارەكا گرنگە ،چنكو بەرپرسیارەتییەكە ل سەر ملێ مە هەموویان،پێتڤی ناكت بتنێ رۆژەكێ دیار بكن بۆ یادكرنا ڤێ سڤكاتیا ب جەستە و دەروونێ ڤان كچان كری ،دەست درێژیا ل سەر وان هاتی كرن نەبتنێ ئەڤ چەندە دبتە ئەگەرێ هندێ كو برینێ ڤان كچان نوو بن و مفا ژێ نینە ،بەلكو ئەو پتر پێتڤی كارێ پراكتیكانن ژبۆ وان بێتە كرن ژبەر هندێ تا زووتر ژ ئەوێ تەنگەژیا دەروونی و رووحی دەركەڤن.
پێتڤیە هەر ئێك ژ ڤان كچێن قوربانی پشتی رزگار دبن نەخوێندوار بن یان خووند هێلابت ڤەگەرنە ڤە ژبۆ پرۆسا خووندن و باوەرناما ب دەست ڤە بینن،ئەڤە پێنگاڤەكا گەلەك ب مفایە ژبۆ گەهاندنا باوەریێ بۆ وان وپێتڤیە دەلیڤێن كاری بۆ هەر كەسەكێ كو ڤێگە دكارت كار بكت ل گۆری پسپۆریا دبواری خۆ دا هەی بێنە پەیداكرن وەك ڤەكرنا خۆلێن جۆرا و جۆر بۆ ژنێن بێ تەمەن وەكی كارێن دەستی جلك درووتن وهەر كارەكی دی ببنە خودان كار،داكو ژیانا خۆ و زارۆكێن خۆ پێ ب رێڤە ببەن،دیسان هەول بێتە دان ژبۆ دابینكرنا بەشەكێ ناڤخۆیی یان مەلبەندەكێ تایبەت بۆ وان بێتە ڤەكرن تاكو بهێن پاراستن ژ لایێ دەروونی و ئارامیێ ڤە،ژبەركو رەوشا وانە خرابە دناڤ خیڤەتان دا،زێدەباری دابینكرنا چارەسەرییا دەروونی و هاریكاری بۆ وان بێتە كرن،تاكو شوونوارێن كارەساتێ لسەر وان كێم بن.
ئەڤ گرتیێن ئێزدی ل مووسل ژلایێ رێكخراوا تیرۆرستا داعش ڤە هاتنە ئێخسیركرن،لەورا یا گرنگە هەولێن زۆر بێنە دان ژلایێ لەشكەرێ عێراقێ و پێشمەرگێ كوردستانێ ڤە ل دەمێ رزگاركرنا ئەوان ناوچەیێن دبن دەستێ تیرۆرستێن داعش دا،پێتڤیە ئاورەكە باش ل كەیسا ئێخسیركرنا كچێن ئێزدی بدەن و هەولبدەن وان ئازاد بكن بێ ئێش و ئازار بگەهتە وان ،چنكو ئەڤە پتر ژماوێ دوو سالایە دبن زوولما چەكدارێن داعش دە دنالن،لەورا پێتڤیە حكوومەتا عێراقێ و رێكخراوێن نێڤ دەولەتی و مافێ مرۆڤی هەولدانێن لەز بكن بۆ خۆشكرن و باشتر لێكرنا ژیانا وان ئێخسیرا وەكی هەر كەسەكی،چنكو مافێ وان جهێ ژیانێ بۆ خێزان و زارۆكێن وان بێتە ئامادەكرن،ژبەركو هندەك خێزانا كەسێ خۆ نەمایە لەوما دێ ل كور ژین و چاوا ژین ،رەوشا وان یا مادی بەرچاڤ وەربگرن هندەك دراڤ بۆ وان بێتە دەست نیشانكرن تاكو پێتڤیێن خۆ یێن ژیانێ ب رێڤە ببە،دیسان رەوشا وان یا دەروونی و جەستەیی دناڤ جڤاكی دە بەر چاڤ بێتە وەرگرتن.
تُتاح هذه الصورة أيضا في: کوردی
