هێشتا ب هەزاران كچ و ژنێن ئێزدی د دەستێ رێكخراوا تیرۆرستیا داعشێ دانە
ئێزدیخان نیوز:
دوو سال و نیڤ ل سەر كارەساتا شنگالێ دەربازبوون،هێشتا ب هەزاران كچ و ژنێن ئێزدی د دەستێ رێكخراوا تیرۆرستیا داعشێ دانە و تووشی كرێترین جۆرێن توندوتیژیێ و دەستدرێژیێ دبن، ل هەمبەر ڤان كریارێن تیرۆرستان جڤاكێ نێڤ دەولەتی و ناڤخۆیی د دەرهەقێ وان دا بێ دەنگن.
چالاكڤانا ئێزدی”ڤیان ئەكرەم”بۆ مالپەرێ (ئێزدیخان نیوز) گۆت:”ئەم یێ ل چەرخێ بیست و ئێكێ و ب هەزاران كچ و ژنێن ئێزدی د دەستێ رێكخراوا تیرۆرستیا داعشێ دانە و تووشی كرێترین جۆرێن توندوتیژیێ و دەستدرێژیێ دبن و یێ دئێنە فرۆتن،ل هەمبەر ڤان كریارێن تیرۆرستان جڤاكێ نێڤ دەولەتی و ناڤخۆیی بێ دەنگن بێ كو هەولدانان بكەن بۆ دانانا پلانەكێ بۆ ئازادكرنا ڤان ژنێن ئێزدی یێن بێ گونەه،بەلگە ژی ئەوە دوو سال و نیڤ ل سەر كارەساتێ دەربازبوون”.
ل 3/8/2014ێ، دەمێ رێكخراوا تیرۆرستیا داعشێ دەست ب سەر قەزا شنگالێ دا گرتی،ب هەزاران كچ و ژنێن ئێزدی گرتن،هێشتا یێن مایین د دەستێ تیرۆرستان دا یێن تووشی نەخۆشیان دبن و چاڤەرێ نە بێنە رزگاركرن و ب دیتنا كەس و كارێن خۆ شاد ببن.
تُتاح هذه الصورة أيضا في: کوردی
