نووترین بەرهەمێ کۆمپانیا سامسۆنگ هاتە ئاشکرا کرن
ئێن ئارتى
نووترین بەرهەمێ کۆمپانیا سامسۆنگ هاتە ئاشکرا کرن کو ژ مۆبایلا وێ یا ژ جۆرێ Samsung Galaxy Xcover 4پێکدهێت و د شیان دایە بۆ دەمێ نیڤ دەمژمێرێ د کووراتیا مەترەک و نیڤێن ئاڤێ دا بمینیت و خوە لبەر پلا گەرماتیا بلند ژى بگریت.
مالپەرێ جى ئێس ئێم ئەرینایێ تەکنەلۆجى راگەهاندیە، کۆمپانیا سامسۆنگ ب ژڤانە ب ڤان نێزیکان مۆبایلا خوە ژ جۆرێ Samsung Galaxy Xcover 4 ب چەند تایبەتمەندیەکێ نوو ڤە د بازاران دا بەلاڤبکەت.
ئەوى ماڵپەرى ئاماژە ب وێ ئێکێ ژى کریە کو وێ مۆبایلێ د شیاندایە بۆ دەمێ نیڤ دەمژمێرێ د کووراتیا مەترەک و نیڤێن ئاڤێ دا بمینیت و خوە لبەر پلا گەرماتیا بلند و تۆزێ ژى بگریت.
هەروەسا ئەو چەندە ژى ئاشکرا کریە کو ئەو مۆبایل هەڤئاوایێ مۆبایلێن دیترێن کۆمپانیا سامسۆنگێ ب سیستەمێ ئەندرۆید کاردکەت و دوو سیم کارتى دبیت.
ئەو چەندە ژى ئاشکرا کریە کو میمۆریێ وێ مۆبایلێ ١٦ گێگا بایتى و رامێ وێ ژى ٢ گێگا بایتى دبیت، هەروەسا کامیرەکا ١٣ مێگا پێکسلى لسەر بەشێ پشتێ و کامیرەکا ٥ مێگا پێکسلى لسەر پێشیا وێ هاتینە جێگیر کرن.
هەروەسا ئەو چەندە ژى راگەهاندیە بریارە د مەها بهێت دە کۆمپانیا سامسۆنگ وێ مۆبایلا هەنێ د بازارێن جیهانێ دا بەلاڤبکەتن.
تُتاح هذه الصورة أيضا في: کوردی
