تۆرا لالش
ئيرۆ ل رێكه‌فتى 6/8/2025 شانده‌كێ ئه‌كاديمى يێ زانكۆيا جيهان سه‌ره‌دانا بنگه‌هێ لالش كر و ژ ئاليێ ئه‌ندامێن بنگه‌هێ لالش و سه‌رۆكێ بنگه‌هى به‌رێز سه‌عيد جردۆ ب گه‌رمى هاتنه پێشوازى كرن.
تێ زانين هه‌ردوو ئاليان خۆشحاليا خۆ بۆ هه‌ڤدوو ده‌ربرىن و به‌رێز سه‌عيد جردۆ به‌حسێ رۆلێ بنگه‌هێ لالش د بياڤێن زانستى و ئه‌كاديمى دا كر و دياركر بنگه‌هێ مه بوويه چاڤكانيا ژێده‌رێن ڤه‌كۆله‌ر و تێزێن مامۆستايێن زانكۆيان و پشته‌ڤانيا بنگه‌هێ لالش بۆ وان دووپات كر و هه‌ردوو ئاليان مومكرنا خورتكرنا په‌يوه‌نديان دووپات كرن.
شاندێ ناڤبرى ژى پشته‌ڤانيا خوه د بياڤێ زانستى دا بۆ قوتابيێن ئێزدى و هه‌روه‌سان بنگه‌هێ لالش نيشاندا.
ل داويێ زانكۆيا جيهان دانەیەک ژ دوماهیک بەرهەمێ خوه يێ ل ژێر ناڤێ (ئەتلەسا کوردستان) ب سوپاسی ڤە پێشکێشی پەرتوکخانا پير خدر سلێمان ل بنگه‌هێ لالش کرن.
تُتاح هذه الصورة أيضا في: کوردی
