تۆرا لالش
ل گۆر ڤه‌كولینه‌كا نوژداری ڤه‌خوارنا ڤه‌خوارنێن وزه‌به‌خش زیان بۆ له‌شێ مرۆڤی هه‌یه و ئه‌گه‌رن بۆ چه‌ندین نه‌خۆشیێن مه‌ترسیدار.
رۆژانه وه‌لاتیێن هه‌رێما كوردستانێ ب تایبه‌تی ته‌خا گه‌نجان گه‌له‌ك ڤه‌خوارنێن وزه‌به‌خش ڤه‌دخۆن، له‌وران پسپۆره‌كێ نه‌خۆشیێن سیهــ و دلی چه‌ندین زیانێن وان ڤه‌خوارنان دیار دكه‌ت.
د. زرار حوسێن، پسپۆڕێ نه‌خۆشیێن سیهــ و دلی دبێژت: ڤه‌خوارنا ڤه‌خوارنێن وزه به‌خش له‌زاتیا لێدانا دلی زێده‌تر لێدكه‌ت و فشارا خوینێ بلند دكه‌ت، ئه‌ڤ چه‌نده ژی دبته ئه‌گه‌رێ تووشبوونێ ب نه‌خۆشیێن دلی، هه‌روه‌سان ئه‌گه‌رن بۆ سه‌رئیشانێ و تێكچۆنا خه‌وێ ئه‌ڤه‌ژی دبته ئه‌گه‌رێ ئازارێ بۆ گه‌دێ و نه‌خۆشیێن قۆلۆنێ و تووشبوون ب نه‌خۆشیێن شه‌كرێ و گه‌له‌ك نه‌خۆشیێن دیتر.
گۆتژی: هۆشداریێ ژ ڤان ڤه‌خوارنان دده‌م ب تایبه‌تی ژ ئالیێ زارۆكان ڤه و ئه‌وێن ته‌مه‌نێن وان كێمتر ژ 13سالیێ و ب مه‌ترسیه‌كا مه‌زن دئێته هژمارتن.
تُتاح هذه الصورة أيضا في: کوردی
