تۆرا لالش
به‌یاننامه‌ك بۆ رایا گشتی
د ده‌مه‌كیدایه پێكهاتا ئێزدیان د قوناغه‌كا دژواردا ده‌رباز دبت، و سالڤه‌گه‌را یازدێ یا جینۆسایدا ئێزدیان هاته ساخكرن و چاڤێ هه‌موو ئێزدیان ل ناڤخۆ و ژ ده‌رڤه‌ی وه‌لاتی ل ئێكرێزی و هه‌لویسته‌كێ ئێكگرتی یه، به‌لێ جهێ دلگرانیێ یه ئه‌وه كێمنه‌یه‌كا گه‌نجێن مه ژ ده‌رڤه‌ی وه‌لاتی ئه‌ڤان ره‌فتاران ئه‌نجام دده‌ن كو دوژمنێ ئێزدیان ئاواته‌خواز و دلخۆشن، ئه‌ڤجا چ مه‌به‌ست بت یان بێ مه‌به‌ست، دروستكرنا گرژی و ئالۆزیان بتنێ برینێن مه مه‌زنتر لێدكه‌ت.
ره‌فتارا شه‌رمه‌زاركه‌را گه‌نجه‌كێ ئێزدیێ خه‌لكێ رووسیا ل وه‌لاتێ ئه‌لمانیا به‌رامبه‌ر میر حازم ته‌حسین به‌گ میرێ ئێزدیان ل عیراق و جیهانێ، دكه‌فته چارچۆڤه‌یێ ئه‌وان تشتێن مه به‌حسكری، ئه‌م ب ته‌مامی ره‌تدكه‌ین و ب تووندترین شێوه ئیدانه و شه‌رمه‌زار دكه‌ین، داخوازێ ژگه‌نج و جڤاكێ خۆ یێ هشیار دكه‌ین كو زۆرینه‌یا ره‌ها پێكدئینن، روحا خۆشتڤی و برایه‌تی و ته‌بایێ دناڤ جڤاكی دا ل هه‌ر جهه‌كی بن به‌لاڤ بكه‌ن و كه‌لتوورێ لێبۆرده‌یی و پێكڤه‌ژیانێ دناڤ ئێزدیان و په‌یره‌وكارێن ئاینێن دیتردا ل خزمه‌ت و باشیا گشتی دا به‌لاڤ بكه‌ن، خودێ ل پشت هه‌ر نیاته‌كێ یه.
بنگه‌هێ لالش یێ ره‌وشه‌نبیری و كۆمه‌لایه‌تی/دهۆك
5ـی ته‌باخا 2025ێ
تُتاح هذه الصورة أيضا في: کوردی
