كۆمسیۆن: 2 ملیۆن و 600 هزار كه‌سان كارتێن ده‌نگدانێ وه‌رنه‌گرتینه
گاڤ نیوز
كۆمسیۆنا بلند یا سه‌ربخۆیا هه‌لبژارتنان ل ئیراقێ راگه‌هاند؛ تا نوكه دو ملیۆن و شه‌شسه‌د هزار كه‌سان كارتێن خۆ یێن ده‌نگدانێ وه‌رنه‌گرتینه.
عماد عه‌جیل د داخۆیانیه‌كێ دا دیاركر: پترى 30% یا ده‌نگده‌ران تانوكه داتایێن خۆ یێن گرێدایی كۆمسیۆنێ نوی نه‌كرینه، لێ وان ب رێكا كارتا بایۆمه‌تری ماف هه‌یه ده‌نگێ خۆ بده‌ن، دوپات ژى كر تا نوكه دو ملیۆن و شه‌شسه‌د هزار كه‌سان كارتێن خۆ یێن ده‌نگدانێ وه‌رنه‌گرتینه و نوكه پرۆسه‌یا پارڤه‌كرنا وان یا به‌رده‌وامه.
هه‌روه‌سا گۆت: كۆمسیۆنێ تیمێن گه‌رۆك بۆ گه‌هاندنا كارتێن ده‌نگده‌ران دروست كرینه و ب رێكا هه‌ژمارێن ته‌له‌فۆنێن وان كو ل فۆرمێن وان دا تۆماركرینه د گه‌هینن و خۆیا كر، كۆمسیۆنێ ده‌مێ پێدڤی مایه خه‌لك هه‌می بهێن كارتێن خۆ وه‌ربگرن.
تُتاح هذه الصورة أيضا في: کوردی
