بەرپرسه‌کی پارتی: ل ڤان نێزيكان ئەنجامێن دانوستاندنێن ناڤبه‌را ھەولێر و بەغدا دێ دەرکەڤن
باسنيوز:
بەرپرسی لقی مەخمووری پارتی دیموکراتی کوردستان ڕای دەگەیەنێت، بەم نزیکانە ئەنجامی دانوستانەکانی نێوان شاندەکانی ھەرێم و بەغدا بۆ ئاساییکردنەوەی ناوچە کوردستانییەکان دەردەکەوێت.
کرمانج عەبدوڵا، ئەندامی سەرکردایەتیی پارتی و بەرپرسی لقی ٢٣ی مەخموور بە (باسنیوز)ی ڕاگەیاند: “ئاگاداری کارەکانی شاندی دانوستانکاری نێوان ھەرێم و بەغداین بۆ ئاساییکردنەوەی ناوچەکان و بەرەوپێشچوونی باش ھەیە، وەک بنەما ڕێککەوتن لەسەر کێشەی سیاسی، زەوری و زار، کێشەی ئیداری، کێشەی ئەمنی، سنوور، دۆخی ناوچە کوردستانییەکان بە گشتی کراوە، بەڵام ھێشتا ڕێککەوتنی کۆتایی نەکراوە”.
ئەو بەرپرسەی پارتی ئەوەشی خستە ڕوو: “لە دوای دروستبوونی کێشەی جووتیاران لە سنووری سەرگەڕان و ھاتنە سەر ھێڵی سەرۆک بارزانی و ڕاگرتنی تەعریبی ئەو ناوچەیە، ئێستا دۆخەکە تا ئاستێک ھێور بووەتەوە، بەڵام ھێشتا چارەسەر نەکراوە، چارەسەرکردنی کێشەکەش پەیوەستە بە ئەو گفتوگۆیانەوە کە لە نێوان ھەردوو شاندی ھەرێم و بەغدادا بەڕێوە دەچێت”.
کرمانج عەبدوڵا، لەبارەی سەرھەڵدانەوەی داعش لە سنوورەکە ئاماژەی بەوەش دا: “بە گوێرەی زانیارییەکان داعش خەریکی خۆ ڕێکخستنەوەیە و ئەگەر کێشەکانی نێوان ھەولێر و بەغدا چارەسەر نەکرێن، ئەوا دەرفەت بۆ داعش دەڕەخسێت و لەوانەیە بە ھێزی جیاوازتر لە پێشوو کۆنترۆڵی سنوورەکە بکەنەوە”.
تُتاح هذه الصورة أيضا في: کوردی
