پارتی هشیار زێباری، ئێكه‌تیێ ژى مەلا بەختیار بۆ سەرۆککۆماریێ به‌ربژار كر
WAAR-دهۆك:
پارتییا دیموكرات یا كوردستانێ و ئێكه‌تییا نشتیمانی، به‌ربژارێن خوه بۆ سه‌رۆككۆمارییا ئیراقێ ده‌ستنیشان كرن و پارتی هشیار زێباری، و ئێكه‌تیێ مه‌لا به‌ختیار، كرینه به‌ربژارێن خوه.
پەیامنێرێ وار ل به‌غدا راگه‌هاند؛ پارتی بەربژارێ خوە یێ سەرۆککۆماریا ئیراقێ ئێكلاكرییه و هشیار زێباری، ئه‌ندامێ مه‌كته‌با سیاسی كرییه بەربژارێ خوه بۆ وه‌رگرتنا وی پۆستی، هه‌ڤده‌م ئێکەتییا نشتیمانی یا کوردستانێ ژی، مەلا بەختیار، بەرپرسێ دەستەیا کارگێری یا مەکتەبا سیاسی، ب فه‌رمی كرییه به‌ربژارێ خوه.
گۆت ژی: شاندا پارتی و ئێكه‌تی كو نها ل به‌غدایه، ناڤێن هه‌موو به‌ربژارێن خوه بۆ وه‌رگرتنا پۆستێن سه‌رۆككۆماریێ، جێگرێن سه‌رۆكوه‌زیری سه‌رۆكێپه‌ڕله‌مانی و وه‌زاره‌ت و رێڤه‌به‌ریێن گشتی، ئیناینه.
گۆت ژی: سوبه رۆژا ئێكلاكرنا مه‌زنترین كوتله‌یا په‌ڕله‌مانی و پێكئینانا حكومه‌تا نوو یه و پارتی و ئێكه‌تی ژی، دێ پۆستێ سه‌رۆككۆماریێ د ناڤبه‌را خوه دا ئێكلاكه‌ن و ل سه‌ر هشیار زێباری یان مه‌لا به‌ختیاری، رێككه‌فن.
تُتاح هذه الصورة أيضا في: کوردی
