پلانا رۆژا نەورۆزێ ل كەركووكێ هاته ئاشكه‌راكرن
رووداو ـ هەولێر
فەرماندەی پاراستنی ئاسایشی پارێزگای كەركووك پلانی ئەمنی تایبەت بە ئاهەنگەكانی جەژنی نەورۆزى لە پارێزگاكە ئاشكراكرد و رایگەیاند: “رەنگە ئاڵای جۆراوجۆر بەرزبكرێنەوە ، بەڵام هیچ ئاڵایەك لەسەر هیچ باڵاخانەیەك یان بەشێوەیەكی فەرمی بەرزناكرێتەوە”.
لیوا روكن مەعن سەعدی، فەرماندەی پاراستنی ئاسایشی پارێزگای كەركووك لە لێدوانێكی رۆژنامەڤانیدا رایگەیاند: “بەبەشداری هێزەكانی دەزگای دژەتیرۆر و پۆلیس پلانێكی وردمان بۆ پاراستنی سەنتەری شاری كەركووك لە رۆژانی جەژنی نەورۆز داڕشتووە، بەپێی پلانەكە تەقەكردن قەدەخەیە و بەكارهێنانی ماتۆڕسكیلیش رێگەپێدراو نییە.”
فەرماندەی پاراستنی ئاسایشی پارێزگای كەركووك گوتیشی “رەنگە لە ئاهەنگەكاندا جلوبەرگی جۆراوجۆر بپۆشرێت و ئاڵای جۆراوجۆر بەرزبكرێنەوە، بەڵام هیچ ئاڵایەك لەسەر هیچ باڵاخانەیەك یان بەشێوەیەكی فەرمی بەرزناكرێتەوە، هەموو رێكارێكی پێویستیشمان بۆ پاراستنی ئاسایشی شارەكە گرتووەتەبەر.”
ساڵانە كورد بەبۆنەی جەژنی نەورۆز و یادەكانی ئادار ئاهەنگ دەگێڕن، بەپێی لێدوانی بەرپرسە كوردەكانی پارێزگای كەركووك “لە دوای هێرشی هێزە ئەمنییەكان و حەشدی شەعبی بۆ سەر كەركووك و ناوچە جێناكۆكەكان ، كورد رووبەڕووی پێشێلكاری بەردەوام دەبنەوە”.
لە ئاهەنگی نەورۆزی ساڵی 2017 ئاڵای کوردستان لە سەر قەڵای کەرکووک هەڵکرا و ئاگری نەورۆز بەبەشداریی ژمارەیەکی زۆر لەخەڵکی ئەو شارە کرایەوە.
تُتاح هذه الصورة أيضا في: کوردی
