فرەنسا ژ تورکیا خواست ھێرشا سه‌ر عەفرینێ راگرن
WAAR-دهۆك:
وەزیرێ دەرڤە یێ فەرەنسا راگەھاند؛ پاریسێ جارەکا دی داخواز ژ بەرپرسێن ئەنقەرە کرییە ھێڕشێن خوه ل عەفرینێ راگرن.
ژان ئیف لۆدریان، وەزیرێ دەرڤە یێ فەرەنسا ل ھەمبەر کۆمیتەیا کاروبارێن دەرڤە یا پەرلەمانی ئاماژە کر، راستە جڤاكا نێڤدەولەتێ د نھا دا فشاره‌ك خستییە سەر ھوموو ئالییان کو ئاگربەستا غووتا رۆژھەلات جێبەجێبکەن، لێ نابیت ئەو ئاگربەستە ژ عەفرینێ نەگریت و ھێرشێن تورکیا بھیتە بشتگوھـ ھاڤێتن.
گۆت ژی: خواسته‌یا جێبەجیکرنا ئاگربەستێ ژ بۆ ھەموو سووریێ یە و ئاشکراکر، ل رۆژێن بھێن ھەموو ئالی دێ ل سەر پرسا غووتە کۆمبن و پرسا عەفرینێ ژی گۆتوبیژ کەن.
لۆدریان گۆت: گەلەک جاران پاریسێ دلگرانییا خوە ل ھەمبەر ھێرشێن تورکیا ل سەر عەفرینێ بۆ ئەنقەرە دیار کرییە و ژ بەرپرسێن دیمه‌شقێ ژی خواستییە دوماھییەکێ ژ بۆ ھێڕشێن سه‌ر غووته دانن.
تُتاح هذه الصورة أيضا في: کوردی
