مه‌سروور بارزانی: گه‌له‌ك بژارده‌یێن دستووری ل به‌رده‌ستێ هه‌رێمێ نه
WAAR-دهۆك:
شیره‌تكارێ جڤاتا ئاسایشا هه‌رێما كوردستانێ راگه‌هاند؛ گه‌له‌ك بژارده‌یێن دستووری ل به‌رده‌ستێ هه‌رێما كوردستانێ نه و گه‌ر به‌غدا ل سه‌ر بنپێكاریێن خوه به‌رده‌وامبیت، ئه‌و بێده‌نگ نابن.
مه‌سروور بارزانی شیره‌تكارێ جڤاتا ئاسایشا هه‌رێمێ، ئه‌ڤرۆ ل هه‌ولێرێ ل گه‌ل برادلی ساودن بالیۆزێ نیۆزله‌ندا ل ئیراقێ كۆمبوو و گۆتوبێژا په‌یوه‌ندیێن هه‌ولێر و به‌غدایێ و به‌رده‌وامییا هه‌ماهه‌نگییا زێده‌تر د چارچووڤێ بزاڤێن نێڤده‌وله‌تی یێن دژی تیرۆرێ دا كر و بالیۆزێ نیۆزله‌ندا ئاماده‌ییا وه‌لاتێ خوه بۆ به‌رفره‌هكرنا په‌یوه‌ندیێن ل گه‌ل هه‌رێما كوردستانێ نیشاندا.
هه‌روه‌سا هیڤی خواست هه‌رزوو كێشه‌یێن هه‌ولێر و به‌غدایێ ب داوی بهێن و ده‌رفه‌ته‌كا باشتر بۆ ئاشتی و سه‌قامگیری و ڤه‌ژاندنا ئابووری په‌یداببیت.
شیره‌تكارێ جڤاتا ئاسایشا هه‌رێمێ ژی گۆت: هه‌رێم هیڤی خوازه هه‌موو كێشه‌یێن ل گه‌ل ئیراقێ ل دووڤ دستووری چاره‌ببن، لێ گه‌ر بنپێكارییێن دستووری به‌رده‌وامبن، هه‌رێما كوردستانێ گه‌له‌ك بژارده ل به‌رده‌ست هه‌نه و بێده‌نگ نابیت.
ده‌رباره‌یی شه‌ڕی دژی تیرۆرێ ژی مه‌سروور بارزانی دا زانین، سه‌رباری هه‌موو كێشه و ئالوزییان، هه‌رێما كوردستانێ دێ ل رێزا پێشییێ یا به‌ره‌یێ دژی تیرۆرستان مینیت.
تُتاح هذه الصورة أيضا في: کوردی
