ئه‌مریكا دوپاتییێ ل هنارتنا مووچه و ڤه‌كرنا فرۆكخانه‌یێن هه‌رێمێ دكه‌ت
WAAR-دهۆك:
وه‌زاره‌تا ده‌رڤه‌یا ئه‌مریكا راگه‌هاندنه‌ك ل دۆر سه‌ره‌دانا جێگرێ وه‌زیرێ ده‌رڤه بۆ هه‌رێما كوردستانێ به‌لاڤكر و راگه‌هاند؛ شاندا ئه‌مریكى دوپاتى ل هنارتنا مووچه‌یێن هه‌رێمێ و ڤه‌كرنا فرۆكخانه‌یان كرییه.
وه‌زاره‌تا ده‌رڤه یا ئه‌مریكا دیاركرییه كو جۆن سۆلیڤان جێگرێ وه‌زیرێ ده‌رڤه د سه‌ره‌دانا خوه یا به‌غدایێ دا، حه‌یده‌ر عه‌بادى سه‌رۆكوه‌زیرێ ئیراقێ هاندایه به‌رده‌وامیێ ب دانوستاندنێن ل گه‌ل سه‌رۆكوه‌زیرێ هه‌رێمێ و جێگرێ وى بده‌ت، تاكو ل دۆر هنارتنا مووچه و ڤه‌كرنا فرۆكخانه‌یان دگه‌هنه رێككه‌فتنێ.
دایه زانین ژى كو شاندا ئه‌مریكى ب دانوستاندنێن ڤێ داویێ یێن هه‌رێم و به‌غدایێ دلخوشه و پشته‌ڤانى ژى ل گاڤێن چاكسازییێ یێن حكومه‌تا هه‌رێمێ كرییه ، داكو ببیته ئه‌گه‌رێ زێده‌تر هاندانا كه‌رتێ بیانى بۆ وه‌به‌رهێنانێ ل هه‌رێمێ.
تُتاح هذه الصورة أيضا في: کوردی
