هه‌رێمێ ب فه‌رمی رۆژه‌ك كره بهێنڤه‌دان
ئه‌ڤرۆ نیوز:
حوكمه‌تا هه‌رێما كوردستانێ رۆژه‌ك وه‌كو بهێنڤه‌دانا فه‌رمی ب هه‌لكه‌فتا جه‌ژنا ژدایكبوونا حه‌زره‌تێ عیسایێ مه‌سیح راگه‌هاند.
سه‌فین دزه‌ی ئاخفتنكه‌رێ فه‌رمیێ ب ناڤێ حوكمه‌تا هه‌رێما كوردستانێ د راگه‌هاندنه‌كێ دا راگه‌هاند كو ب هه‌لكه‌فتا جه‌ژنا ژ دایكبوونا حه‌زره‌تێ عیسایێ مه‌سیح “سلاڤێن خودێ ل سه‌ر بن” گه‌رمترین پیرۆزباهیێن خوه ئاراسته‌ی برایێن كریستیان ل هه‌رێما كوردستانێ و عیراقێ و جیهانێ دكه‌ین و ب هیڤیا وێ چه‌ندێ ئه‌ڤ جه‌ژنه ببیته جهێ ئاشتی و ساقامگێری و ڤه‌گه‌ریانا هه‌موو برایێن كرستیان بۆ جهێ باب و باپیرێن خوه.
ئاماژه ب وێ چه‌ندێ ژی كر كو رۆژا ئێكشه‌مبی 25ی كانوونا 2016ێ ل هه‌موو داموده‌زگه‌هێن حوكمه‌تا هه‌رێما كوردستانێ دێ بیته بهێنڤه‌دانا فه‌رمی.
پێشتر وه‌زاره‌تا په‌روه‌ردێ ژی هه‌ر دو ئێكشه‌مبیێن 25ی كانوونا ئێكێ و 1ی كانوونا دویێ وه‌كو بهێنڤه‌دانا فه‌رمی بۆ وه‌زاره‌تا په‌روه‌ردێ راگه‌هاند بوون.
تُتاح هذه الصورة أيضا في: کوردی
